Temas – die son
Om meer te leer omtrent die geïllustreerde wapens, kliek op die beelde.
DIE son – gewoonlik opstygend, soms neergaande – kom in verskeie Suid-Afrikaanse wapens voor. Die oudste son is waarskynlik dié van die Oos-Londonse Stadsraad. Maar soortgelyke opstygende sonne word ook in die wapens van die University of Fort Hare en die Border Technikon aangetref, terwyl die Provinsie Oos-Kaap ’n stygende son in sy helmteken voer.
’n Son wat hoog in die hemel staan kan in die wapen van Morningside High School gesien word.
Dit is in die heraldiek tradisioneel dat die son voorgestel word met ’n goue rondeel of halfrond (soos hierbo) met strale in die vorm van afwisselende (reguit) punte (driehoekige projeksies) en golwende punte, of slegs golwende punte. Maar buite die heraldiese tradisie word strale dikwels aangewys as trapesoïdale projeksies vanuit die ronde son. ’n Voorbeeld hiervan is die neergaande son in die wapen van Westerford High School.
’n Geheel anderse tradisie word gevind in die wapen van Chinese High School, Port Elizabeth. Die son in hierdie wapen kom uit die vlag van die Republiek van Sjina, en is ’n wit rondeel met kort driehoeke rondom.
Terug na bo
Terug na temas-indeks
Terug na Armoria-indeks
Opmerkings, navrae: Mike Oettle
