Dear Manay Letty,

Isa akong 38-years old na babae, single at mayaman. Pagkatapos ng mahabang panahong tigang, may nanliligaw ulit sa akin ngayon, si Romy. Mukha naman siyang mabait pero hindi ko siya masyadong gusto dahil, uhm, pangit siya. Ngunit sa edad kong ito, nais ko na sanangmakapag-asawa, at baka si Romy na ang last chance ko. Ano ang aking dapat gawin?

Jogalyn


Dear Jogalyn,

Huwag ka nang mag-inarte at sigurado akong hindi ka naman kagandahan. Pangalan mo pa lang jologs na jologs na. Magpasalamat ka na lang at may gusto pang pumatol sa 'yo kahit guranggutan ka na. Anyway, hindi mo dapat isipin na si Romy na ang last chance mo para lumagay sa tahimik, Jogalyn. Dahil hindi ka naman papakasalan nun, pera mo lang ang habol niya at iiwanan ka din balang-araw. Huwag ka nang mag-ilusyon na makapag-aasawa ka pa at dapat ngayon pa lang ay tanggapin mo na na tatanda kang dalaga habangbuhay.

Sana ay napaligaya ka ng aking tugon sa iyong problema.

Para sa iyo, Jogalyn:
B.A.L.I.W.A.G. - Beauty And Love I Will Always Give.

Nagmamahal forever,
Manay Letty


Dear Manay Letty,

Isa akong gwapong chickboy at dalawa ang aking girlfriends. Minsan ay nagkasabay sila sa isang lugar di ko kasi alam. Tuloy inaaway nila ako ngayon at gusto ng makipag-break. Kaya nga kailangan ko ang iyong tulong.

Edgar


Dear Edgar,

Walang kwenta ang liham mo kaya ayokong sagutin. Huwag ka ng susulat ulit dito at inaaksaya mo lang ang panahon ko, leche ka.

Edgar, dahil ang sabi mo ay gwapo ka, at mahilig si Manay Letty sa gwapo, ito ang para sa iyo:

P.H.I.L.I.P.P.I.N.E.S. - Pumping Hot...I Love It! Please, Please...I Need Erotic Stimulation!
Nagmamahal forever,
Manay Letty


Dear Manay Letty,

Nais kong ikuwento sa inyo ang namagitan sa amin ng aking itay isang gabi. Hindi ko kayang makalimutan kahit anong bahagi ng gabing iyon. Malakas ang ulan noon. Katatapos ko pa lamang maligo at nakatapis pa lamang ako sa loob ng aking kuwarto.

Narinig ko si Itay na kumakatok sa aking pinto. Nang sagutin ko ang pinto ay sinabi niya na kailangan daw naming magusap. Pinapasok ko naman po siya dahil ama ko po siya. Nagulat na lamang ako nang isarado at ikinandado niya ang pinto. Hinawakan ni Itay ang braso ko. Napasigaw ako, sabi ko "ITAY huwag, anak mo ako!". Ngunit hindi tumigil ang aking Itay. Ipinagpatuloy niya ang kanyang ginawa. Pumikit na lamang ako dahil sa ayaw kong makita ang mukha nang aking tatay sa kababuyan na kanyang ginagawa. Naririnig ko si Inay na binubulabog ang pinto. Sumisigaw na, "Hayop ka wag mong gawin yan sa anak mo!" Ngunit wala pa rin. Ipinaubaya ko na lamang ang sarili ko sa Diyos.

Pagkalagpas ng ilang sandali ay natapos din ang aking Itay. Nang humarap ako sa salamin ay nagulat ako sa aking nakita.

Magaling naman pala mag-make-up si Itay. Noong gabi na iyon ay nagladlad ng kapa si Itay. Natuwa ako at mahusay ang kanyang ginawa. Naisip ko na matutuwa ang aking boyfriend dahil sa ganda ko.

Nagyakapan kami doon at nag-iyakan. Masaya na kami ngayon at walang problema.

Lubos na gumagalang,
Badong


Dear Badong,

Wala akong masabi sa liham mo kundi...PANALO!!!

Para sa iyo, Badong:
B.U.R.M.A. - Between Us, Remember Me Always.Nagmamahal

forever,
Manay Letty


Dear Manay Letty,

Mayroon akong anak na ubod ng landi. Mas makati pa sa higad ang hitad, wala nang pinatawad, pati mga magbabalut pinapatulan. Kung minsan nga'y nahuhuli ko pa sa may gulayan sa aming bakuran, kasama ang mga tanim naming talong at upo. Hindi ko na alam ang gagawin sa haliparot kong anak, hiyang-hiya na ako sa ibang tao.

Desperate


Dear Desperate,

Itay naman, sabi nang huwag na kayong susulat dito eh! Malaki na ako, hayaan nyo na ako sa gusto ko sa buhay. Matipuno naman yung mga magbabalut sa atin, tsaka friends lang kami nun.

Namatay na nga pala si Tiya Dely, hayun successful naman ang libing. Kamusta na si Inay? Utang na loob patigilin nyo na sa pag-aararo si Inay.

Para sa iyo, Itay:
P.E.R.U. - Phorget Everyone... Remember Us.
At pakisabi kay Daniel, yung magtataho sa atin:
P.A.R.A.N.A.Q.U.E. - Please Always Remain Adorable, Nice And Quiet Under Ecstacy.
Nagmamahal forever,
Manay Letty


Bago ako magwakas, dear readers, may gusto akong i-share sa inyong lahat, isang kwentong mapupulutan nyo ng aral. Ilang taon na ang nakalilipas, noong bata't sariwa pa ako...

Manay Letty reminisces...

Several years ago: Manay Letty joins Reyna ng Bocaue beauty pageant. Manay Letty was then called Lettygirl.

Host: How are you, Lettygirl?

Lettygirl: How are you too!

Host: Ok. So Lettygirl, here's your question: What do you think is your best feature?

Lettygirl all smiles and poise na poise) Well I think that my best ficture is my graduation ficture! I thank you!

Ayun awa ng Diyos talo si Manay Letty.


Hanggang dito na lamang po sa linggong ito, because I'm tired and I'm pretty. Sana ay antabayan niyo ang mga susunod pang liham na aming ilalathala dito. Nawa'y magpatuloy ang inyong pagdulog at pagsulat sa...Dear Manay Letty.

Ngunit bago ako magpaalam, nais ko sanang mag-iwan ng isang munting mensahe hindi lamang para sa lahat ng mga masugid na sumusubaybay sa Dear Manay Letty, kundi pati na din para sa aking sarili at sa aking One and Only, na itatago ko na lang sa pangalang Vanilla Milkshake.

So, para sa inyo, dear readers: L.I.B.Y.A. - Love Is Beautiful; You Also.
Para naman sa akin: P.A.S.A.Y. - Pretty And Sexy Are You.
Heto pa isa: E.G.Y.P.T. - Everything's Great, You Pretty Thing!
At para kay Vanilla Milkshake: I.M.U.S. - I Miss U, Sweetheart.
Ito po ang inyong Manay Letty na nagpapaalam at nagsasabing...toodles!
Ikaw ba ay nalulungkot, nababalisa, walang makausap? Humingi na ng payo kay Manay Letty!