"DE
ROMANDELA"
La Bandina
FonoAstur 2005
Tamos, probatiblemente,
ente'l meyor discu del añu 2005, tovía tamos en xunu y nos prósimos
meses pueden apaecer trabayos perbonos, pero cuido que sedrá
perdifícil algamar lo algamáu por La Bandina nesti
trabayu. La evolución del grupu dende'l so anterior discu, "Pa
Bail.lar", ye enorme, alcontrándonos agora un soníu col mesmu
raigañu pero con un xeítu muncho más personal y un aire muncho más
contemporáneo.
El primer detalle que
mos llama l'atención de "De Romandela" ye'l diseñu la
carpeta, obra del felpeyu Ruma Barbero y abondo
allonxada de la estética folkie. Hai que vela, la camiseta'l Naranjito
que gasta Santi ye de traca. El segundo, y más
importante, la música, música folk asturiana con estilu propio ensin
complexos de denguna mena, con tendencia al maridax colos sones
bretones y colos balcánicos qu'enxamás sonaron tan asturianos. El
tercer detalle que destacamos, el pesu de les collaboraciones, toes
elles de luxu: Marco Malnero al trombón, Luis
Rodríguez al baxu, Antón Barquero a les
percusiones, Xuan d'Amandi a la voz... Pero, penriba de
toes elles, dos que rescamplen con lluz propia: la voz de Jaime
Caleya, dando guerra con 70 años, y la d'Anabel
Santiago, ensin la que "De Romandela" nun diba ser
posible.
... Y tamién "Na
Caleya", el canciu'l branu asturianu'l 2005, y la coña minera
qu'alcontraréis per tol discu. Hai que mercalu
darréu!
