"ESNALAR"
Llangres
Autoprodución 2005
Yá
tenemos nes nueses manes el segundu trabayu discográficu de
Llangres, que vien a confirmar l'apueste que fixeren con
Stura: folk acústicu de composición propia basáu na tradición
asturiana. N'Esnalar vuelven amosar, otra vuelta, el
virtuosismu musical de los componentes del grupu agora reforzáu con
una vocalista propia, Esther Fonseca. Esta moza, anque
mui moza, yá tien un estensu currículum musical na nuesa escena y los
músicos de Llangres yá teníen collaborao en trabayos en
solitariu de la cantante. La so llegada'l grupu llena un furacu, que
n'Stura fixera por llenase coles collaboraciones de Marta
Elola y Xosé Ambás, que lu dexaba coxu nes
actuaciones en direutu.
La
incorporación d'Esther permite que los temes d'Esnalar seyan
instrumentales y canciaos al 50 %, aportando-y a
Llangres una nueva estaya qu'esplorar. Asina,
Héctor Braga destápase como un lletrista perinteresante
siendo de so ún de los cantares más guapos del discu "La Carbonera",
amás del que-y da títulu al discu.
Nel otru
50% del discu, nos sets instrumentales, vuelven dexar ñidio'l talentu
personal de cada ún con una contundencia que nun dexa llugar a dubies.
Personalmente prestaríame destacar la versión que faen d'El Pasu
del Eo (composición de Joaquín Méndez, qu'aparez nel discu de
Boides sobro'l Camín de Santiagu
n'Asturies).
