"ENSIN
NOVEDÁ"
Dixebra
L'Aguañaz 2005
Nuevu trabayu
discográficu d'una banda yá mítica, non solo na estaya de la música
fecha n'asturianu, Dixebra ye, por drechu propiu, ún
d'esos nomes señeros dientro de la música rock (del de verdá, non de
lo que sentimos nes radiofórmules) que se fae anguaño nel estáu
español. Pasu ente pasu, discu a discu medra'l so apueste musical en
complexidá y en contundencia.
El títulu del trabayu
qu'agora reseñamos ye ñidio, "Ensin Novedá", más de lo mesmo fecho
hasta esti intre, pero meyor. Rock mestizu, influencies ska, gaita y
lletres que cuenten lo que n'Asturies nun cuenten los periódicos,
afuxendo de los mensaxes panfletarios pero dexando perñidio onde tan
les llendes y de que llau ta caún. Un capítulu más de la banda sonora
d'esta murnia película nomada Asturies que nos tocó vivir.
Más qu'un discu ye un
documental, los que-ys presten más les comedies tontes que merquen los
discos de Melendi, que tamién reflexen perbién la situación d'esti
país atacáu de tontorolos fumaos.
