"NAMÁI"
DRD
FonoAstur 2005
A la fin
salió otro de los discos más naguaos pola afición asturiana, el del
debú del tríu DRD (Diego Pangua, Rubén Bada y Dolfu
Fernández). La verdá ye que "Namái" cumple, de sobra,
les espectatives creaes alredor d'él y ye un trabayu d'una calidá y
una elegancia de les que nun s'estilen davezu nestes tierres. Ta
compuestu por 11 sets de pieces, les más tradicionales y de la zona
occidental del país, y tres cantares tamién tradicionales onde los
miembros de DRD amuesen el so gran talentu como
instrumentistes.
En 3 de
los sets instrumentales aparez tamién la uillean pipe d'otru
músicu bien mozu, anque esti nun ye asturianu sinon irlandés,
Jarlath Henderson, qu'acompañó a DRD na so xira
per Irlanda del Norte y tamién en delles actuaciones del grupu
n'Asturies.
Un discu
qu'afuxe de la caña pola caña y ye pa escuchar tranquilamente,
pa poder apreciar tolos petisos detalles que faen d'él ún de los
meyores del añu. Personalmente prestaríame destacar la versión
instrumental de la tonada Arrea Carreteru o la versión a la
flauta d'En Medio La Mar, anque los 14 cortes del discu son
prestosos enforma. Yá tardáis en mercalu
;-)
