VDG

Waar kan ek ’n wapen koop?

DIT is in terme van die wet nie moontlik om ’n heraldiese wapen te koop nie, òf vir persoonlike gebruik òf vir ’n korporatiewe eienaar.

’n Handelaar mag miskien aanbied om vir jou een te verkoop, maar terwyl hy miskien geld mag vra vir die afdruk of kunswerk, kan hy jou nie ’n wapen verkoop nie. Al eienaarskap wat jy verkry is van die afdruk of skildery, en as jy nie die geïllustreerde wapen besit nie, kan dit van bevraagbare waarde wees.

Indien ’n handelaar sê hy kan jou voorsien van ’n wapen wat wetlik joune is, ondersoek altyd sy bona fides. In die meeste gevalle kan hy dit nie doen nie. By tye sal ’n handelaar miskien namens jou aan ’n heraldiese gesag aansoek doen (kyk volgende paragraaf), maar dit is gewoonlik die beste om direk met so ’n gesag te handel.

Die enigste wetlike manier om ’n wapen te verkry is deur ’n aansoek aan ’n wetlik gekonstitueerde heraldiese gesag.

Alhoewel gelde betaalbaar is om ’n wapen so te verkry, word dit nie as ’n kooptransaksie beskou nie. Die sertifikaat wat vanaf die gesag verkry word, is nie verhandelbaar nie.

In Suid-Afrika is die relevante gesag die Buro vir Heraldiek in Pretoria.

Ander gesagte waar jy moontlik aansoek sou wil doen is die College of Arms in Londen, die Wapenkoning Lyon in Edinburg, die Hoof-herout van Ierland in Dublin, een van die Spaanse wapenkonings, of een van die heraldische Gemeinschaften wat in Duitsland opereer. (Kyk hierdie bladsy vir ’n uitgebreide lys.)

Die meeste van hierdie gesagte sal, onder gegewe voorwaardes,^[1] bereid wees om ’n wapen te verleen. Die Buro in Pretoria gebruik die term registrasie, maar dit kom op dieselfde ding neer.