(左)【陳 Kim】都算係我見得最多最頻密既香港朋友﹐因為佢係空姐﹐可以周圍飛嘛。不過亦因為佢既工作關係﹐今年我o地o向香港相見既機會亦少o左好多﹐不過唔緊要呢﹐我希望 Kim 工作得順順利利就好喇~

(中)【Ina + 胡老師】同我相識近十二年。胡老師係我小學五六年級既班主任﹐Ina 就係我最 close 既香港朋友﹐而佢亦係最明白我o既朋友。我好感激佢時時都聽我訴苦呢﹐希望第時我o地再有機會同胡老師見面啦~

(右)【黑仔】一句講晒﹐我永遠都改唔到口叫佢做黑仔架喇~

   

香港既雪糕種類應有盡有﹐而且好多都好好味﹐繼年幼時期成日食既牛奶雪條再度面世﹐阿華田都出o左自己既雪糕。呢隻【阿華田麥味雪糕】真係有好濃郁既古力 + 麥芽味﹐而且口感非常好o架~

【Samuel】Samuel 其實係 Goretti 既舊同學﹐o向前幾年因為某些原因引致 Samuel 亦變為我既朋友。雖然我o地相交雖淺﹐交往甚疏﹐但係每次番香港我o地都會聚一聚﹐今年我更係奇跡地以一記舊電話號碼得以再同佢o聯絡上﹐所以亦拍得此照~ (睇真o的佢又真係同 William 有幾分相似呢~ 哈~~)