一整日都頗閒﹐忽然好想 ｕｐｄａｔｅ 一下「出走記」﹐希望籍此重溫過去最快活既十多日。(「出走記」內打＊為精髓﹗)

患上「狂愛旅行症」而且懶筋難斷﹐旅行完畢後依然早睡早起﹐感覺電視唔重要電腦唔重要電話亦唔重要﹐出外走走當然無妨﹐不過其他一概懶理﹐連《狂愛》已經上檔一星期﹐我都無心機去搜邏視頻/劇照/報導… 還好﹐心情依然保持開朗愉快∼

旅行後感其實除o左好興幸可以目睹唔同既地方美不勝收既風景､吸收異地既空氣兼美食之外﹐最大既穫益﹐就係俾我感受到世界之大﹐而自己係難以形容既渺少。因為如斯微不足道﹐所以先更覺得生活上既一切瑣碎事更加微不足道﹐心胸﹐忽然擴闊o左好多寸。(想豐胸其實唔難﹗)

Ｔｒａｖｅｌｌｉｎｇ﹐ｉｓ ａ ｇｏｏｄ ｔｈｉｎｇ∼

Ｗｅｎｄｙ 同 Ｗｉｎｇ既多明尼加共和國七天之旅即將臨近尾聲﹐希望佢o地同我一樣﹐有一個美好既旅程∼

ｈｉ仔亦好快踏上「出走之路」﹐離開香港﹐投入多倫多既懷抱﹐ｈｉ仔﹐坐穩雞﹐期待星期二天仔既加港見面會∼

Ｄａｙ１

Ｋｉｎｇｓｔｏｎ + 千島湖 + Ｍｏｎｔｒｅａｌ 聖母院 + 唐人街

Ｄａｙ２ - 開始進入四個海洋省份

Ｑｕｅｂｅｃ Ｇｏｌｄｅｎ Ｂｅａｃｈ＊﹕瀑布既水衝落湖面﹐混合黃色既泥沙﹐加上陽光照射就形成一片金黃色既景象。

Ｈａｒｔｌａｎｄ Ｃｏｖｅｒｅｄ Ｂｒｉｄｇｅ,Ｅｄｍｕｎｄｓｔｏｎ﹐Ｎｅｗ Ｂｒｕｎｓｗｉｃｋ﹕全世界最長既有蓋橋﹐聽聞如果可以閉氣走過整條橋﹐就可以夢想成真…

Ｆｒｅｄｅｒｉｃｔｏｎ'ｓ ｃｉｔｙ ｈａｌｌ + Ｓａｉｎｔ Ｊｏｈｎ。

Ｄａｙ３

Ｒｅｖｅｒｓｉｎｇ Ｆａｌｌ@ Ｆｕｎｄｙ Ｂａｙ﹕因為大霧既關係﹐能見度極底﹐所以無辦法睇清楚河水倒流既反自然現象﹐好可惜呢。

Ｍａｇｎｅｔｉｃ Ｈｉｌｌ@ Ｍａｎｈａｔｔａｎ﹕駐名可以將汽車拉上山既磁力山﹐不過好老實講句﹐坐晌車入面﹐我真係感覺唔到架巴士被拉上山﹐不過﹐磁力山既迷團亦唔難解釋 - 係地理 + 視覺既幻象也。晌呢樹﹐我食o左秈虷P甜既 ｂｅａｖｅｒ ｔａｉｌｓ呢∼

Ｃｈａｒｌｏｔｔｅ Ｔｏｗｎ + Ｃｏｎｆｅｄｅｒａｔｉｏｎ ｂｒｉｄｇｅ＊﹕呢條橋係連接 ＮＢ﹐Ｎｏｖａ Ｓｃｏｔｉａ同 ＰＥＩ 既橋﹐走上呢條橋﹐感覺同走上香港既青馬大橋差不多﹐不過呢條橋比較「開陽」﹐聽聞風大既時候﹐車身較高既車一律禁止行走。一諗起橋既盡頭就係ＰＥＩ﹐心情無比輕奮∼ (走晌橋上﹐電視機仲播住有華仔既戲o添﹗)

ＰＥＩ'ｓ ｃｉｔｙ ｈａｌｌ + ｈａｂｏｕｒ ｆｒｏｎｔ＊ + ｈｏｕｓｅ ｏｆ Ａｎｎｅ ｏｆ Ｇｒｅｅｎ Ｇａｂｌｅｓ + Ｃａｖｅｒｉｓｈ Ｂｅａｃｈ＊ + Ｆｉｓｈｅｒｍａｎ'ｓ Ｗｈａｒｆ＊﹕有龍蝦島之稱既 ＰＥＩ確係名不虛傳﹐晌街上見到好多有龍蝦既招牌﹐而且ＰＥＩ出名風景靚﹐坐o左三個鐘頭車﹐沿途所望見既除o左係綠色就係藍色﹐偶爾都會見到紅色﹐因為海洋省好多地方出名擁有肥沃既紅色泥土﹐用作種薯仔。

先參觀市政大樓然後係海傍﹐有藍色既水加上藍色既天空﹐係我最夢寐以求既風景。參觀好多唔同既商店﹐差不多全部都係賣手信﹐遠遠見到有一間放o左一隻牛公仔既鋪頭﹐就即刻諗起 Ｗｅｎｄｙ 話一定要試既雪糕﹐果然﹐呢間叫 Ｃｏｗｓ 既雪糕點就係當地最出名既雪糕點。雪糕好食﹐而且精品手信都好靚﹐不過價錢就比較貴。 (www.cows.ca)

海傍觀光後係參觀當地名作家所寫既其中一本諸作中描寫既地方﹐聽聞當地既人好以之為傲呢∼ 我諗大自然風景始終比較吸引我﹐所以跟住要參觀既紅色海灘真係令我眼前一亮∼ 紅色既沙石加上藍色既開藍色既天 = 絕﹗城市人身處大自然環境﹐係會異常開朗﹐見諒見諒∼ 

享受完美好風光﹐係時候享受美好晚膳﹐今晚既龍蝦自助餐令人期待∼ 雖然龍蝦祗准食一隻﹐不過青口就可以任食﹐滿足也﹗必食三寶我已經食o左兩樣﹐仲有 ＭｃＬｏｂｓｔｅｒ﹐呵呵呵…

ｐｓ﹕導遊哥哥﹐生日快樂 ｔｏ ｙｏｕ∼

Ｄａｙ４

Ｃｏｎｆｅｄｅｒａｔｉｏｎ ｂｒｉｄｇｅ＊﹕再到達此地﹐今次有機會好好影相留念一番咯∼ 不過真係估唔到﹐旅遊巴要走過呢條橋﹐竟然要俾二百幾蚊(即係相等於 $１３００ 港幣左右…) 好貴既過路費呢… 

Ｐｅｇｇｙ'ｓ Ｃｏｖｅ＊＊＊ @ Ｎｏｖａ Ｓｃｏｔｉａ: 愈接近呢笪地方我個心就跳得愈快﹐有如畫中世界既小漁村﹐當然令我神往… 到達之時﹐真係目定口呆… 原來呢個世界上竟然有靚到令人難以相信既地方﹐自然加人工既風景﹐藍天加如鏡既海水仲有白色既地面﹐岸邊有一座高聳既紅白色燈塔﹐去觀光既遊客雖多但係又唔會顯得好擠逼同嘈雜﹐確係得天獨厚既好地方﹐聽導遊講呢笪地方既人口祗有唔夠一百人﹐我覺得呢一百人真係好幸福好幸福… 

能夠晌呢到食到出名既 ｆｉｓｈ'ｎ ｃｈｉｐｓ﹐仲可以分享到如畫既風景﹐我覺得自己都好幸福… ︰）

Ｈａｌｉｆａｘ ｈａｂｏｕｒ ｆｒｏｎｔ: Ｈａｌｉｆａｘ 既海傍亦有一番特色﹐不過去完 Ｐｅｇｇｙ'ｓ Ｃｏｖｅ﹐真係咩地方都變得普普通通咯… 不過好開心既係﹐我晌呢邊遇上好多青蛙呢﹐呵呵呵∼

仲有﹐細佬食到傳說中既 ＭｃＬｏｂｓｔｅｒ喇∼ 不過﹐原來幻想真係比現實來得完美。

Ｄａｙ５ - 氣溫低於十度

Ｓｈｅｄｉａｃ﹐Ｎｅｗ Ｂｒｕｎｓｗｉｃｋ﹕呢到放有全世界最大既龍蝦塑像﹐真係好大座﹐仿真度仲好高o添∼ 如果呢隻龍蝦係真既﹐佢不單祗可以"擲"屎過百人﹐仲可以餵飽過百人o添∼ 因為呢笪地方﹐我o地今晚又有龍蝦食喇﹐呵﹗

Ｈｏｐｅｗｅｌｌ Ｃａｐｅ＊ @ Ｍｏｎｃｔｏｎ﹕就係因為呢笪地方﹐所以我o地既所有行程都要重新整頓﹐要再一次番到 Ｎｅｗ Ｂｒｕｎｓｗｉｃｋ。

好望角﹐亦係我期待既景點之一﹐呢個海灘上面既巨石因為長年被海水潮漲潮退侵蝕既原故﹐而形成唔同既型狀﹐不過想要走到落沙灘親眼目睹此自然奇景係要預準晌退潮既時候﹐所以我o地行程上要作出遷就。巨石真係好莊觀﹐係大自然塑造出既自然美﹐真係不枉此行∼

Ｍｏｎｃｔｏｎ﹕今日可算係最早番到酒店既一日﹐趁有充足時間就出外走走。好寧靜既市鎮﹐我仲發現呢個地方既人﹐不論係打扮撲素抑或新潮﹐每個人既臉上都掛住非常親切既笑容﹐仲好有好客之道o添∼

ｐｓ﹕今日有得睇靚景外﹐仲有《低一點的天空》呢齣好戲睇﹐美滿∼

Ｄａｙ６

Ｑｕｅｂｅｃ 古城區﹕無話可說… 不過今晚既酒店令人頗有驚喜∼ 

又一次重返古城區﹐真不不禁仰天長嘆﹐第六次喇… 不過同導遊哥哥既六十次相比﹐我知道我既祗係小兒科﹐呵呵呵呵…

ｐｓ﹕睇到《陀槍師妹２》喇﹐頗失望…

Ｄａｙ７

皇家鑄幣廠 + Ｏｔｔａｗａ + 國會山莊  ﹕都係我曾經留過唔小腳毛既地方﹐所以感覺唔再新鮮。雖然今日既行程一o的都唔吸引﹐甚至可以稱得上悶﹐不過今日過得好開心﹐好希望多謝既係陪足我七日既導遊 Ｋａｌ + 司機 Ａｎｄｙ + ５１個團友們。起初對導遊無乜好感﹐因為真係頗有古惑 ｆｅｅｌ﹐不過連日來睇見悉心既安排同盡責既照顧﹐勞心勞力過﹐多謝亦係應該。

呢４７００多公里既路﹐不枉此行。

我都覺得﹐如果同行既人都好似你o地一樣﹐每一次旅遊都可以好快樂∼ 多謝你o地∼ ︰）

Ａｆｔｅｒｔｈｏｕｇｈｔｓ

移民多倫多八年﹐夢想可以去 ＰＥＩ 遊玩係我一直既心願﹐今次可以夢想成真﹐確係為我人生摘下美好又值得紀念既一頁。

藍天綠草碧水真係可以令人心擴神怡﹐我無法不愛大自然∼

多謝媽咪既成全﹐仲有爹o地同細佬既耐心﹐我知道﹐坐巴士真係好辛苦好辛苦既一件事﹐無啖好食又睡眠不足﹐但係你o地都好努力地盡量遷就同配合﹐因為我既一個夢想﹐辛苦你o地o喇∼ 感激∼

經過今次旅遊﹐我知道﹐同樣既旅行形式唔會再出現﹐但係﹐亦因為今次﹐我確確實實愛上o左旅行﹐我希望下一次甚至再下一次﹐我依然會樂而忘返∼

幸好無受到前日美加大停電既影響﹐旅行如期出發﹗

對上一次同朋友仔遠遊﹐已經係 ２ＫＹ 既事﹐今次難得又有機會﹐所以份外興奮同期待。同媽咪道別後踏上旅遊巴﹐我對眼隨即睜大兩倍﹐因為巴士司機既車頭裝飾﹐竟然係青蛙×２∼ 識英雄重英雄﹐有「青蛙號」為我o地啟航﹐雖然一出門就招風雨﹐不過相信旅程應該會滿愉快哇﹐呵呵呵… 

車上有五十七人﹐年齡介乎２０o靚歲既就係我o地幾個﹐連導遊都係姐姐一名﹐想睇靚仔既希望幻滅﹐往後三日﹐我要與車頭青蛙們為樂﹐哈哈哈∼ ︰ｐ

每兩個多鐘頭停一次車﹐食埋晏﹐再坐兩個多鐘頭左右﹐大概係三點鐘﹐我o地就到達景點一﹐Ｍｏｎｔｍｏｒｅｎｃｙ Ｆａｌｌ(水晶瀑布)@ Ｑｕｅｂｅｃ Ｃｉｔｙ。

呢個被我o地稱為「一蚊雞瀑布」既瀑布﹐"聽聞"比尼瓜瓜瓜大瀑布還要高出１００尺… 係由瀑布下面望上去﹐定係由上面望落去所形定既視差﹖高過定矮過我就真係無從考究﹐我祗係知道論氣勢磅縛的話﹐尼瓜瓜瓜的確優勝得多∼

參觀完「一蚊雞瀑布」﹐一上車導遊姐姐就被問到離酒店既路程仲有幾耐﹐需知坐巴士旅行一定需時甚多而且辛苦﹐不過知道仲要坐多兩個多鐘頭先到酒店﹐大家都難免嘩然。(導遊姐姐既苦心﹐我o地終於明白喇∼) 

＊Ｆａｉｒｍｏｎｔ Ｌｅ Ｍａｎｉｏｒ Ｃｈａｔｕｅａｕ@ Ｌａ Ｍａ Ｂａｙ﹐係景點二﹐亦係我o地今晚落腳既地方。天水一色﹐由山腳邊散出既霧氣鋪晌連接住山同水既交界處﹐睇唔見盡頭既海加上高貴既古堡酒店建築﹐係世外桃園嗎﹖真係難以想象祗係二十出頭﹐就有幸可以身處如此典雅既景色。可以親眼目睹令人賞心悅目､靚到令人覺得感動既風景﹐三個鐘頭既車程真係唔算得上係咩苦差…

酒店大堂好堂皇﹐急急腳走上房﹐一開門… 嘩… 間房好大好靚﹐有大床有靚景仲有無線電話﹐就連廁所裡頭浴缸上面既花灑都好完美… 一級享受也﹗(小妹見識小兼易滿足嘛∼) 拿拿臨換上泳衣兼浴袍﹐要趁「露天溫泉」未關門前見識一下﹗泳池中有微型瀑布﹐建晌露天既花園中間加上燈光效果確係靚靚靚﹐雖然﹐「露天溫泉」有名無實祗係一個賣點﹐而且我都祗可以用眼晴去享受﹐不過﹐已經覺得無憾咯∼

面對酒店門口既係一間小型賭場﹐外觀亦係非常吸引﹐享受完晚餐﹐我o地就去賭場參觀一下。小妹唔好賭亦從來唔當旺﹐所以祗要參觀就夠。好可惜我o地到達既時候天色已晚﹐而且要享用「露天溫泉」兼食晚飯﹐所以可以捕捉漂亮風景既時間唔多﹐唯有等聽朝。

期待聽朝早 + ｎｅｘｔ ｓｔｏｐ∼

Dimanche (8.17)

六點起床七點走人﹐誓要填補琴日既損失所以趁未離開前狂影一番。晨早既景色﹐確係又有一番風味﹐原來酒店旁既草地上﹐種滿好多好靚既花﹐謀殺o左我o地好多菲林。重返舊地既機會應該不大﹐我會將o甘靚既地方好好印晌腦裡面∼

十二點左右抵達景點三﹐Ｑｕｅｂｅｃ Ｃｉｔｙ既古城區﹐雖然我對於呢笪地方既熟悉程度唔可以稱得上「閤埋對眼都識行」﹐不過總算留過唔小腳毛﹐而且我更加唔會唔記得未來一個星期﹐我又會置身此地… 循例地週圍逛逛﹐然後我o地就去酒吧街食晏﹐選擇唔食法國餐﹐取而代之既係麥噹噹。對於法文﹐大家真係有限公司﹐所以唯有看圖點菜﹐幸好當地人既英文亦算可以。其實我一直覺得法文好浪漫﹐又好聽﹐所以每次到呢邊﹐我都好有進修法文既念頭∼

食飽飽坐四個多鐘頭車就到達景點四﹐＊Ｔｒｅｍｂｌａｎｔ﹐又一次目定口呆「ｌｅｕｎｇ相」盡現… 五顏六色既度假村﹐唔同既餐廳/商鋪/酒店/住宅特別既建築設計加上纜車､水池､娛樂設施﹐一切一切﹐感覺就好似置身於童話世界﹐同晌古堡酒店既感覺好有差別﹐不過都係一級棒既美景﹗愉快既心情更加係昇華至高峰∼ 呵呵呵﹗

放低行履後第一時間衝出去逛逛逛﹐邊逛邊叫邊笑﹐心情非常好﹐因為呢到既風景真係好靚∼ 坐 ｖｗ 纜車上半山繼續逛﹐男生決定玩 ｇｏ ｋａｒｔ﹐女生呢﹐就去尋找 ｆｉｆｉ 既至愛 ｂｅａｖｅｒ ｔａｉｌｓ。其實半年前我晌 ｏｔｔａｗａ 已經見過呢種食物﹐但係無試﹐今次因為 ｆｉｆｉ 而獻出第一次﹐感覺… 普通啦… 哈哈哈∼ 不過見到ｆｉｆｉ得償所願﹐我都好開心∼

逛到八點多﹐係晚膳既時候﹐可能因為係遊客區所以大部份餐廳都收費甚貴﹐最後我o地選擇導遊姐姐建議既「雞店」Ｃａｓｅｙ。(哈哈哈哈…)

美味既一餐過後繼續逛﹐參觀唔同既鋪頭然後睇過街頭表演﹐此等生活真係有如神仙過活∼ (ｐｓ﹕ｔａｕｒｕｓ = ｅｘｔｒｅｍｅｌｙ ｇｏｏｄ ｌｏｏｋｉｎｇ∼ 呵﹗)

琴晚因為大家都好睏所以無機會一齊玩番晚﹐所以今晚最後一晚要玩番夠本﹐ｃａｒｄ ｇａｍｅ 一玩就玩到三點﹐盡興﹗(ｔｈｘ ｔｏ 迷你豬 + 歐陽 ｂｏｂｂｙ + 鴨屎綠﹐呵呵呵∼)

聽日就番多倫多喇﹐不捨亦期待∼

Lundi (8.18)

回程既一日﹐五點錯誤地起身六點多去食免費自助早餐﹐然後準備上巴士狂訓。

景點五係我o地選擇唔會俾錢去參觀既萬國花園 @ Ｍｏｎｔｒｅａｌ。要打發一個多鐘頭﹐所以我o地就走去對面既舊 Ｏｌｙｍｐｉｃ運動場借o下洗手間逛o下o甘。

大概兩點左右﹐到達今個行程最後既景點 Ｍｏｎｔｒｅａｌ既 Ｓｔ Ｃａｔｈｅｒｉｎｅ 大街。再一次踏足此地﹐感覺無咩差別﹐祗係知道中午時分放食晏所以街上面有好多人﹐個日頭又好猛﹐而且可能因為大家琴晚無點訓過所以疲態盡現。以 ｂｋ 為午餐後上車繼續訓﹐然後直達多倫多。

Ａｆｔｅｒｔｈｏｕｇｈｔｓ

雖然曾經為今次既旅行既計劃費策思量過又苦惱過﹐中途亦有過唔小阻礙﹐不過我好慶幸最終可以成行﹐而且今次既經歷係意料之外既開心同愉快。

古堡溫泉酒店同Ｔｒｅｍｂｌａｎｔ度假村的確係好地方﹐一生人可以去一次﹐真係好幸運。

感激同我一同暢遊既一班朋友﹐坐長途巴士的確係好辛苦而且要日日食快餐﹐但係大家都毫無怨言而且好投入﹐除o左美麗既景色令今個旅程變得難忘外﹐快樂﹐就係有你o地既相伴同分享∼ Ｍｅｒｃｉ∼ ︰）

十二點鐘就撻落床﹐係本月錄得既最早訓覺時間﹐不過因為好唔習慣﹐所以四點鐘打後﹐我祗可以眼仔碌碌到天光。

o甘特別既生活﹐一晚起兩晚止會比較好﹐始終﹐我係現代人嘛﹐呵呵呵呵∼
青蛙陣變成青蛙(神)壇﹐呵﹗

今日表面上所有o野都回復正常﹐不過仲有好多手尾要處理﹐所以好多公司都放假一日﹐等供電比較穩定o的﹐因為未來幾日好可能會再有缺電既情況。ＦｉＦｉ琴晚幾經辛苦先出到土﹐Ｆｉ媽仲更係以四小時由 ｄｏｗｎｔｏｗｎ 途步行番屋企﹐好厲害… 

晏晝同 ＦｉＦｉ去買旅行既糧食﹐３０多度﹐無冷氣真係好要命﹐好在聽日既行程可以如期進行﹐可以避開呢個不穩定城市∼ ︰ｐ

一連串既旅程即將展開﹐最期待既都係 ＰＥＩ 之旅﹐我一定會記得 Ｗｅｎｄｙ既必食項目﹕龍蝦﹐ｍｏｏ雪糕同 ＭｃＬｏｂｓｔｅｒ﹗

我要去避世喇∼ Ｊ'ａｉｍｅ ｖｏｙａｇｅｒ﹗Ａｕ ｒｅｖｏｉｒ∼

晏晝同屋企人行行o下街既時候﹐忽然一片漆黑﹐停晒電﹐原先以為好快回復正常﹐誰不知一等再等都係一樣。一邊行一邊聽到唔同既消息﹐有o的話近至 ｓｃａｒｂｏｒｏｕｇｈ 都停電﹐有o的仲話遠至 ｎｅｗ ｙｏｒｋ 都受影響﹐有o的話好快有番電﹐有o的話要等三日﹐謠言四起…

歸家既途中就係考驗耐性同秩序既時候﹐我今次係頭一次晌無交通燈而又有車走動既路面駕車﹐雖然途中都遇上唔少「誤會」同意外﹐不過幸好大部份人都好禮讓好耐心﹐情況唔算非常混亂。聽電台既報導﹐原來除o左我o地安省﹐整個 ＮＹＣ 都停電﹐受影響既範圍真係好廣而且頗嚴重。１９６５年既時候曾經發生過同樣既情況﹐當時要等足三日﹐先回復正常……

可能因為停電得太突然﹐所以連電話線路都 ｆｕｌｌｙ ｏｃｃｕｐｉｅｄ﹐時打得出時打唔入﹐幸好我o地屋企仲保存住一個有線電話﹐如果唔係﹐真係會與世隔絕∼

無電之後﹐聽聞仲會好快無水… 熱水既儲備一定會用盡﹐不過連凍水都…

連爐都係用電﹐晚飯點解決呢﹖我o地既選擇係打邊爐﹗哈哈哈﹗煲湯煮麵都唔成問題﹐不過今日係３０多度既一日呢… 無電無冷氣無電話無電視無電腦用﹐真係有小小與世隔絕既感覺﹐而且﹐個世界好似頓時停頓一樣。

有小小悶﹐想鑿壁偷光睇書都唔可能﹐而且﹐我開始擔心星期六既遠行喇…

希望一切快快回復正常…

唔… 我諗﹐長期要面對考試對我做成既影響真係幾大﹐相信要到所有旅遊完成過後﹐我先會回復正常。(定係我條懶筋未斷呢﹖:p)

同 ｆｉｆｉ 講起對旅行既預測同準備﹐大家都有o的急不及待呢﹐呵∼ 希望我o地會玩得開開心心﹐不過呢﹐我真係恐怕﹐我唔可以享受「上身涼浸浸﹐下身暖笠笠」既滋味…

琴日睇報紙知道鄭千金立志要一年內勁減一百磅既新聞﹐ｓｏ ｆａｒ 仲已經減o左二十一磅幾﹐真係唔可以唔寫個服字﹐如果我都可以減去二十一磅幾﹐Ｉ ａｍ ｉｎ ＨＥＡＶＥＮ﹗

要做十六年肥妹真係一o的都唔容易﹐我明白﹗鄭千金﹐我希望你成功﹐衷心地∼

Ｎｏｔ ｍｕｃｈ ｔｏ ｓａｙ,ｊｕｓｔ Ｉ ａｍ ｆｉｎａｌｌｙ ｄｏｎｅ!

近日同動物好有緣呢。

隻鷹細細隻好可愛而且唔驚人﹐相信佢係曾經俾人養過﹐因為佢對腳上面仲綁住橡筋同鐵線﹐睇上o黎好影響佢既活動﹐爹o地見狀就幫佢剪斷雙腳上既橡筋再將佢放走。幫佢「鬆綁」後﹐佢竟然唔走﹐仲係踢都唔走﹐晌我o地門口踱來踱去o左一陣﹐既然係o甘﹐我o地就拎o的食物去「招呼」佢多陣﹐睇起上o黎佢應該有一段時間無食過o野。

o甘難得有「鷹」自遠方來﹐我當然要拍番幾張相﹐留念一下啦∼

隻鷹真係好得人鐘意﹐摸又得掂又得﹐我o地其實除o左好樂意「招呼」佢之外﹐仲好樂意「收留」埋佢架﹐不過因為 ｗｅｓｔ ｎｉｌｅ 既關係﹐媽咪一見到隻鷹就怕怕﹐而且鷹係屬於要領牌先可以飼養既動物﹐唔可以話收留就收留﹐加上我o地根本對養鷹毫無知識﹐為免荼炭生靈﹐所以﹐我o地最後唯有忍心地狠狠將佢趕走。將佢趕走之後﹐佢仲企o左晌我o地對面間屋既屋頂三個多鐘頭﹐搞到我o地更加唔捨得o添∼

鷹仔呀鷹仔﹐你以後要好好照顧自己﹐然後成家立室﹐有時間既要番o黎探o下我o地呀∼

夜晚上天堂﹐發現 ﹡老爺陪睡六百元 ﹡既報導一則﹐陪老爺睡既﹐係一隻老爺晌屋企樓下執番o黎既小貓咪。（糖糖同皮皮竟然唔呷醋﹖）

有老爺 ＝ 有愛 ＝ 有溫暖∼︰）

就將呢個月﹐定為『愛護動物月』啦﹐呵∼

由早到晚天陰陰﹐仲不斷落雨兼打雷。坐晌書房做功課之際﹐竟然聽到窗外面除o左有斯里沙啦既雨滴聲外﹐仲會有其他既聲音 - 狗吠聲﹐係似曾相識既狗吠聲﹐心知不妙﹐MM所以即刻望出窗外… 

唔望猶至可﹐一望就扯火… 我既鄰居﹐又將佢o地養既狗仔留晌 ｂａｃｋｙａｒｄ… 上次係用繩幫住佢﹐由得佢晌樹晒太陽乾蒸做「熱狗」六小時﹐今次就係「落湯狗」﹐好在行雷唔係行得好犀利﹐如果唔係就做埋「爆炸狗」喇… 將隻狗留晌後院雖然唔係好過份﹐但係每次我都會睇見隻狗對住間屋個背脊吠﹐仲要叫得好淒涼﹐始終都係白費﹐所以個心好唔舒服。

o的雨愈落愈大我就愈嬲﹐曾經好有衝動想去o禁鐘理論﹐可惜好明顯隻狗係 ｈｏｍｅ ａｌｏｎｅ﹐我更有諗過打電話投訴有人虐畜﹐可惜﹐呢o的o甘雞毛蒜皮既事﹐邊個會理﹖就連環繞住我屋企都有養狗既鄰居聽到o甘淒厲既狗吠聲都無動於衷﹐中國人真係有好大既弊處。

報紙上寫一條晌香港西貢擱淺既抹香鯨﹐都有上百人願意幫佢延續生命﹐點解一隻狗仔會俾主人如斯對待﹖

老爺講得好o岩﹕「愛牠﹐就不要遺棄牠。」

直到夜晚十點﹐我仲見到佢攤晌後院﹐真係好過份… 如果下次我再見到同樣既情況發生﹐我一定唔會坐視不理﹐你估你食煙有紋身我就會怕﹖

一整日唔愉快既心情﹐曾經因為老爺而轉變過一句鐘﹐雖然中途曾經好想再靠老爺幫我「開藥」﹐不過唔想弄巧反拙所以卻步﹐後來多得 ｍｉｋｅｍｉｋｅ 長途致電﹐所以又好轉過一句鐘﹐今日既心情﹐就係o甘起起伏伏。

煩惱﹐ｐｌｚ ｌｅａｖｅ ｍｅ ａｌｏｎｅ∼