十一至四﹐雖然時間唔係好長﹐不過齋坐都會好悶﹐真係多得 William 錄既幾餅嘩嘩嘩打發時間﹐仲可以笑餐飽~ 

邊笑邊幹活﹐不過節目雖然好笑﹐但我就更明白香港而加既狀況﹐更擔心香港既公公婆婆同親戚朋友。

第一次o向街見到戴住口罩既 (華) 人﹐在我自己而言﹐我覺得未有o甘既需要﹐仲成日同媽咪講﹐生屎有命﹐激屎~ 不過我都明白﹐有避無患丫嘛~~

聽吳君如讀o左一個聽眾既一句說話﹐令我銘記於心﹕「呢個世界上﹐除o左有典型肺炎同非典型肺炎外﹐原來仲有典型既廢人同非典型既廢人。」妙絕﹗如果可以的話﹐應該講俾 Bu-- Sh-- 聽。
麥噹噹 BlueBerry M-shake x 2

上星期開始睇見學校週圍都貼滿 Let's wear RED 既傳單﹐要求我o地晌今日都通通穿紅戴紅o甘為學校慶祝慶祝。紅色﹐係我o地學校其中一種代表顏色。(仲有白色呀~) 既然難得有喜慶事﹐況且我可能再無機會同學校慶祝一番﹐加上今日又有大考喎﹐紅色﹐的確可以沖喜一o下架 (希望)~ 哈哈~~ (老土~~~~ )

無好認真地溫過書﹐因為老師非常好﹐准我o地 open book 嘛﹐又可以寫中文﹐題目又唔難﹐時間又充裕﹐所以今次大考祗係從少少緊張 + 多多懶散中而過。

再過一個星期﹐winter term 就完結喇。雖然真係非常渴望呢一日既來臨﹐但亦會覺得有一點點不捨。(跟得魯迅多﹐感染o左o的矛盾~)

來﹐努力過渡 exam period﹐迎接 summer term 既來臨吧~ ^^

ps: Sixers 又一次反敗為勝﹗高興高興﹗來﹐為 playoff 努力吧﹗呵呵呵呵~~ ^^

早前聽聞 Scarborough 區有人受到感染﹐甚至死亡﹐想不到那么快就傳到去 Markham 同 Richmond Hill。雖然消息未得以證實﹐不過心裡總有點害怕和擔心。

害怕﹐是因為我對此病菌完全不認識。它有多么可怕我是聽說過﹐可是我不知道它的成因﹐亦不知道它的來歷。一想到萬一不幸事將會發生﹐我或許除了迷茫﹐還是迷茫。而擔心﹐是因為我更不知道它會不會傷害我的家人､親戚､朋友､甚至整個地球上的人。我在替香港的公公婆婆､親戚們､朋友們擔心﹐還有身在上海的表哥﹐甚至正在上海工作的孝天。在擔心﹐真的。

還要面對戰爭的可怕﹐除了 Bush﹐我根本就是在為所有人擔心著。

爹o地話天災人禍﹐係世界末日。

說老實的﹐我討厭這番說話﹐因為我不想聽到甚至知道我身邊的人會有這樣的想法﹐太不現實了。要是有心情想想世界將會結束﹐倒不如繼續好好地過每一天﹐處理好眼前的事﹐關心身邊的每一個人﹐做好自己。(我是非常刁蠻的﹐我想到世界末日那天都不會改得了~ 呵~~ :p)

晨早起身洗白白食早餐﹐好快就到中午喇~ 真係等今日等o左好耐﹐新買既 Iverson T-shirt 加粉紅 WWJD 手繩就係我今日既"忠心"裝備。(我真係應該著埋件 jersey﹗><) 先同 William + 西妹 + 西妹朋友食晏仔。一路上心情無比雀躍﹐講個不停笑個不停﹐滿腦子 Iverson o甘﹐不過 William 就好無奈喇﹐仲開始覺得後悔o添﹐可惜﹐一切都太遲咯﹐哇哈哈哈哈...........﹗

開場前四十分鐘入場。原來我o地坐既位真係。好。遠。呢﹐雖然未至於山頂位﹐但係比我想象中係有o的差距囉﹐不過仍然可以見到 Iverson﹐總好過無丫﹗

愈接近 330 心情就愈"感"張﹐大概到 315﹐坐我旁邊既西妹就忽然指住我o地左面既通道口大叫﹕「Iverson 呀﹐你見唔見到呀﹖」因為睇得唔多清楚﹐所以我需要幾秒鐘先可以從球員們中認出 Iverson。當我既「肉眼」接觸到 Iverson 既「肉身」既時候﹐我就即刻大叫大笑喇﹐呀呀呀哇哈哈哈﹗一身 Sixers 黑色運動服加黑色 headband 既 Iverson﹐係最型仔架﹗我終於見到您喇﹐我既美夢成真喇~~ Yeah﹗^0^/

要急急忙忙影多幾張相望多兩眼﹐因為球賽即將開始﹗

Sixers 近期狀態大勇﹐所以贏輸呢個問題我唔係好擔心。晌球賽第一節既部份 Sixers 都一直領先﹐Iverson 仲先拔頭籌獨取 10 分。直至第二節開始﹐恐鳥開始發攻﹐而且仲趁 Coleman 受傷同 Iverson 休息既時候入o左好多球﹐雄心勃勃o甘﹐中場休息時恐鳥以 58 : 55 領先﹐搞到我信心都開始有o的動搖o添﹗不過呢﹐有 Iverson 就必定有希望﹐Sixers 晌第三節表現出色﹐仲將分數漸漸大大拋離恐鳥﹐最後以 112 : 95 反敗為勝﹐好厲害呀~~~~~~ (恐鳥連 pizza 都請唔到人食﹐真係咪怪我做賣國賊囉~ =p)

Iverson 今日既表現唔錯﹐有 32 分之餘仲有次兩球截球﹐7 次助攻﹐5 球偷球﹐勁呀﹗^^

每當 Iverson 入球同有出色表現 (其實係有o的郁動) 既時候﹐我都會把握住每一個可以拍手或者歡呼既機會。(好理所當然啦﹐呵呵~) 晌自己主場做埋o的o甘叛逆既事唔多唔小都會受受白眼﹐但係估唔到原來在場都有好多人著住 Iverson 既 jersey﹐有o的仲舉埋大紙版o添﹐真係高興﹗(不過西妹既矛盾真係令我大開眼界~ 哈﹗) 

可以用「肉眼」接觸到 Iverson 既「肉身」﹐知道大家都係身處同一場所﹐呼吸緊同一天空下既空氣﹐真係好開心好開心好開心﹗祗能夠遠遠地觀賞球賽﹐係今日唯一一樣美中不足之處﹐所以我賽後同自己立下盟誓﹐下一季既球賽﹐我一定要拉近同 Iverson 既距離﹐目標係 $175 + tax 既位置﹐到時我一定會著上您既 jersey﹐舉起大紙版﹐為您盡情地歡呼打氣﹗呵﹗

我o地他日必定會再會﹗Yeah﹗^^

琴晚同西 + 欣欣 + 西妹去食完糖水之後﹐大家就去o左欣欣屋企睇 vdd。原先諗住睇 <<百年好合>> 既﹐不過知道原來欣欣有 <<千與千尋>> 既 vdd﹐所以我o地就改變主意喇﹗真係想睇o左好耐架喇﹐今晚終於有得睇喇﹐開心~ ^^

有少女､有精靈､有驚險場面､有得意情節､有感人場面､有 happy ending﹐更有豐富既含意。<<千與千尋>> 亦係另一齣好經典既宮岐駿電影。

好喜歡戲裡面既每一隻精靈﹐雖然有某一o的既造型比較肉酸﹐尤其係河神既前身同寶寶﹐仲有某些神明們。

記得 Cecilia 話過 <<千與千尋>> 既故事好有 meaning﹐所以我o地大家一邊睇電影﹐都不忘轉一轉個腦﹐思考一o下每一段千尋既經歷﹐究竟意義謂何。(差o的連千尋點解叫千尋﹐我o地都要諗一大輪呢~ :p)

宮岐駿的話﹕「這是一個沒有武器和超能力打斗的冒故故事﹐它描述的不是正義和邪惡的斗爭，而是在善惡交錯的社會里如何生存﹐學習人類的友愛﹐發揮人本身的智慧。最終千尋回到人類社會﹐并非因為她徹底打敗了惡勢力，而是由于她挖掘出了自身允涵的生命力的緣故。。。語言是力量的載体。在千尋迷失的那個幻境﹐能夠說話和溝通是回到現實社會的重要條件。。。每個人都應該用語言來表達真實的自己﹐拋棄那些空洞虛偽的語言垃圾。」

記得細細個既時候﹐都睇過好多宮崎駿既卡通。<<天空之城>>､<<風之谷>>､<<魔女宅急變>> 仲有 <<龍貓>> 都係好有水準､好有意義既作品﹐令人回味非常。(其實 <<再見熒火虫>> 係咪都係宮崎峻既作品呢﹖) 

聽日既 1530 將會係我同 Iverson 碰面既時刻﹐我要懷住最期待同最興奮既心情去迎接 Iverson﹗ Sixers 近日連輸兩場﹐Iverson 既狀態亦唔係好好﹐雖然可以贏固然開心﹐不過一切都唔係最重要﹐最重要既係我既夢想將會成真﹐我將會見到 Iverson﹗^^

一諗到o甘既環境仲要持續半個多月﹐我真係有想即時執包袱走人既念頭﹐不過﹐可以咩。

朋友仔開始投訴我失蹤。唉﹐我都係身不由己﹐每次作戰完畢就再冇去街街既心情﹐反而有時間既﹐留晌屋企睇電視上網訓覺我已經覺得好滿足。就容許我玩多半個月自閉啦﹐況且過去呢大半個月﹐大部份時間留晌屋企我都從來唔覺悶﹐事關我每一日多餘既時間都俾天天佔有晒﹐根本就係忙上加忙呢~ (哇~ o甘講法唔係好對得住我既朋友仔呢~~  )

難得寫好 essay﹐所以打算今日同 Goretti 出去行o下街街透透氣。

但係﹐今日似乎唔係一個好日子。已經唔夠訓﹐然後一大早又向爹o地發皮四。我諗係我太失敗﹐但係點解事情唔可以發展得順利一o的﹖究竟問題晌邊﹖大家應該點去解決﹖好煩。

一直將壞心情帶至晏晝﹐加上 (好努力地) 尋找天天既節目錄影帶不遂﹐心情就更加低落。Goretti 都察覺到我既不快﹐幸好﹐我擁有貼心既朋友。雖然好朋友的確可以將不愉快帶走﹐不幸地﹐我身上既衰運霉氣竟然連累埋我既朋友 。

o甘大個女都未遇過爆 (車) 呔﹐仲要晌落雨濕濕既天氣下﹐搞到大家都不知所措﹗我都係唔好去進修英文﹐諗深一層﹐去學整車好似仲實際﹐可以一技旁身丫嘛~ :p

愈睇個 BU** SH** 就愈唔順眼﹐原來世界上真係有唯恐天下不亂既人﹗

可笑同可恥其實祗係一線之差。既然有人選擇做千古罪人遺臭萬年﹐我o地當然無權亦無辦法阻止﹐不過﹐祗希望一人之錯﹐唔會要其他人來承擔﹐影晌無辜既生命。

我相信﹐天﹐係有眼既。

國際新聞﹕美依之戰將會晌明天有最後既結論﹐而且結局很呼之欲出。媽咪話晌美國羅省既舅母﹐為免一切將會變得混亂﹐已經將四月回港既機票退掉﹐而身在三藩市既女麻女麻同姑姐﹐就仍然未放心去買四月尾o黎多倫多既機票﹐因為大家都擔心起來......

香港新聞﹕肺炎有不斷擴散既跡象﹐連醫院裡頭既醫護人員亦受到感染。在港既公公身體比較虛弱﹐肺部既功能亦唔太好﹐會時時咳嗽氣喘.... 婆婆雖然有能力照顧公公﹐不過﹐始終唔能夠太費心同太操勞......

爹o地同媽咪每日都留意住新聞。我明白。我明爹o地既憂慮﹐亦明白媽咪既擔心。希望﹐一切都唔會發展得比想象中嚴重........

我討厭布殊﹐討厭病毒﹗

病菌我真係無能力去對付﹐但如果可以的話﹐我希望能將布殊亂棍打成豬頭﹗﹗(無可置疑地﹐佢正正就係一個切切實實既世紀大豬頭﹗!) 

不過﹐布殊這名字倒改得真好﹗Bush = BU** SH** ﹗﹗ 我呸﹗><* 

PS: 6 more days to go.......................! ^^

PPS: Ｆ絲既家人都好熱情呢﹐感激大家對我既歡迎﹐好高興認識每一人﹐天天莉仲送我好大份禮物呢~ (係我最喜歡既孝天招牌裂嘴笑~ "些些"~~ ^^) 對了﹗天天靈是我的新綽號喇~ 哈哈哈~~﹗

一朝早起身 check email﹐發現小魚寄o黎既一封郵件﹐望真o的原來係請柬呢~~~~ (如果係請帖就更好咯﹐呵呵呵呵~ ) 請柬附上好厚禮呢﹗小魚遙請我加入佢o地 Ｆ絲 既大家庭呀﹗(Ｆ絲家 = F4 family 咯﹗^^) 其實琴日小魚有同我略略提及過﹐估唔到係真既呢﹐好高興好高興好簡動好簡動~~~~ 從此﹐我再唔係孤單一個了﹗(什麼喇﹗我還有 Cecilia≠ 西 同 Puff 的喔﹗放心﹐I am still here﹗^o^/)

急不及待覆個貓俾小魚﹐然後就飛奔去 Ｆ絲 既家。起初以為小魚既九日同仔仔既聲勢最雄厚﹐估唔到原來裡面都有好多好多天天家既朋友~ (喲~~ 再難掩興奮既心情 + 表情喇﹗呵呵~) 睇見每個人既留言﹐我就更覺得原來知己並唔係太難得﹐祗要駐定要遇上﹐就必定會遇上﹗(當然仲要多得最好既魚啦~ ^^)

"尤魚"同大家初次見面﹐自己又唔係好識得講說話﹐所以為表心意﹐我決定要為 Ｆ絲 家送上小小既禮物。

＊我為 Ｆ絲 準備既＊ → 見面禮 ←

近排陸續飄o黎既﹐都係一連串令人高興既事 (除o左美依之戰! ><)。繼加入o左 Ｆ絲家﹐而且今晚 Sixers 仲大勝強隊 Nets﹐奪得十四場勝兩場負既驕人成績﹗好勁呀﹗﹗如我所願地﹐我仍然係一直地每日都擁有最好既心情。對我 (皮四王) o黎講﹐呢件係一件非常好既事呢﹗^^

PS: 正式進入最後倒數階段。七日﹐仲有七日﹗七日後﹐我要繼續用最好既心情 + 最燦爛既笑容來迎接我同 Iverson 首次碰面之喜﹐YeahYeahYeah﹗﹗(係﹗我係超級花"生"靈靈﹐哇哈哈哈﹗)

開心﹐係因為當日我知道天天唱《情人》之後﹐我曾經心想希望天天可以唱《喜歡妳》﹐因為我一直都鐘意後者多一點點。《喜歡妳》竟然意外地被您演譯了﹐雖然今次確實祗係一場巧合﹐但我已經好高興喇﹗﹗

謝謝您﹗下一次﹐可以點唱《冷雨夜》跟《祝您愉快》嗎﹖^^

《喜歡妳》

細雨帶風濕透黃昏的街道  抹去雨水雙眼無故地仰望
望向孤單的晚燈 是那傷感的記憶

再次泛起心裡無數的思念  以往片刻歡笑仍掛在臉上
願妳此刻可會知  是我衷心的說聲

喜歡妳  那雙眼動人
笑聲更迷人 願再可
輕撫妳  那可愛面容
挽手說夢話像昨天妳共我

滿帶理想的我曾經多衝動  理怨與她相愛難有自由
願妳此刻可曾知 是我衷心的說聲

每晚夜裡自我獨行  隨處蕩  多冰冷
以往為了自我掙扎 從不知  她的痛苦

夜媽媽﹐等全屋人上晒樓上訓覺玩電腦之時﹐客廳 + 大梳化 + 大電視又係我既晚間私人俱樂部喇﹗呢一刻確係我一天之中最期待既時段......  哇哈哈哈哈~~~~﹗

急不及待拎晒兩張花四台灣香港演唱會 vddss  出o黎自我高興一番。(我等o左好耐喇~) 雖然睇演唱會係應該一氣呵成﹐由頭至尾續首歌聽﹐續格片段慢慢欣賞方為最佳享受﹐不過我真係非常急切想睇天天﹐所以唯有霸道一o的將花三既表演部份都通通飛走晒﹐好讓我可以先睹 (天天) 為快~~  呵呵呵~~~~ 

第一次欣賞天天晌台上唱歌既風采。(我承認﹐我真係慢.... 得可以... ><)

好鐘意 <<Here We Are>>﹐一首跟您風格好配的歌﹔好鐘意 <<Heat of The Night>>﹐表現出您洋溢既才華﹔好鐘意 <<舊歡如夢>>﹐將您親切又愛耍賤的性格表露無違﹔好鐘意 <<情人>>﹐因為呢首歌﹐令更多人更懂欣賞您﹔更鐘意 <<晴天>>﹐是您的歌﹐天天有孝天就有無數晴天。

突然間覺得上天好偏心呢~ 賜予您耀眼既外表﹐仲加上音樂上既天賦同才華﹐您將來必定能夠成為一個大富翁呢~~ :p

(睇緊我日記仔既朋友﹐你o地想無奈就無奈啦﹐我無得救架喇~ 呵呵呵~~  )

前排同呀媽呻過話好耐無食過魚生。(真係非常之o甘想食﹐我感覺到o的魚生呼喚緊我喇﹐哈哈﹗)  趁住今晚去"劈魔"﹐o甘就梗係要去我至愛既 AXIA 同我最掛住既海膽手卷 + White Tuna 聚聚舊啦﹐今次仲加埋我既次愛 - Ika roll o添﹐o甘壯觀既場面實在令人感動萬分~﹗ (可惜大家 <~ 我 + 食物 真係非常掛住對方﹐諗住郁手前拍番兩張相留留念都唔記得o添~ :p)

雖然今晚相約見面既人少少﹐但係可以抽一點時間同朋友仔聊聊笑笑﹐我已經好滿足咯~

飲飽食醉﹐又有 Wendy 既錄影帶同西既花四演唱會 vdd﹐同埋我 arm arm 新買既花四香港演唱會 vdd﹐我呢幾日將會非常之忙碌﹗

非常開心既一日﹐但當中亦有點不完美。

面對住某一個人﹐我知道自己比往時變得更懂得容忍同體諒﹐但倘若再遇見會令人無奈既事情發生時﹐我仍然會暗地裡有所怨言...... 

我諗﹐係我性格上既缺陷吧。當望見白紙上既黑點﹐我始終做唔到將焦點放晌潔白無瑕既白紙上﹐因為那個黑點太惹我注目了。

同年長既一輩相比﹐對于習慣o左生活晌資源富裕､國泰安寧既環境下既我o地﹐其實難免好難想象得到戰爭既可怕。雖然知道戰爭一旦爆發﹐將會有無辜既靈魂被一一奪去﹐屬于兩個戰鬥中既國家既人民都會人心惶惶﹐感覺可能就有如世界末日。

身處加拿大﹐同美國既距離話近唔近､話遠唔遠﹐所以我o地受到牽連既機會係可以估量的。可惜無奈地﹐我真係未能感受到焦慮同害怕既感覺﹐雖然我有一群近親現居美國。

地球由七大洲五大洋組成﹐我o地每人都平等地享有生活晌地球既權利﹐試問又點可以容許有人未經同意﹐就擅自出手破壞美好既世界﹖

絕對唔係因為事不關己﹐我祗係相信不日一旦戰爭爆發﹐必定會有人出手阻攔。

自四年前開始學識睇籃球賽事﹐某日興奮地發現 Iverson 呢一個球員﹐然後迷上﹐3232003 就係我一直期待以久既一日。

仲有兩個星期咋﹗^^

Sixers 現時狀態大勇﹐自明星賽 03 後既十二場賽事入面有十一勝一負既驕人成績 (祗係輸o左俾西岸強隊 Sacramento)﹐強勢既表現實在令人嘩然﹐所以﹐相信兩星期後作客迎戰恐鳥隊亦唔成問題﹐victory 必定係囊中物﹗(我﹐好一個賣國賊~ :p)

緊張又期待。雖然滿心歡喜﹐不過又會希望呢一日唔會來臨﹐因為開始亦代表住終結。呢種正正亦係小魚今晚將會再次遇見花四既矛盾心情~ 我好明白﹐真的﹗

天天同 Iverson 唔同﹐即使倆人都會帶給我快樂同雀躍既心情。可以見到 Iverson 我必定會高興﹐但唔能夠置身于花四既演唱會為天天打氣﹐是無比失望的。

這不是傻瓜與無知和盲目既行為﹐而係打從心內發出真我又真心既表現﹗

星期三考完試﹐趁住距離下星期一既考試仲有一點點時間﹐必定要快快睇晒全套阿旺﹗(釣住釣住﹐真係好辛苦呢~~~﹗>-<)

一如所料﹐最後六集既阿旺賺o左我唔小既眼淚。因為一向都唔慣晌人前落淚﹐ 屋企人更加不在話下 (唔擅于表達自己係我既缺點﹗)﹐ 所以今次每一滴都要流得好小心﹐而且此時此刻﹐我更加唔可以學花澤類用倒樹蔥。不過幸好自己唔係孤"靈靈"一個睇電視﹐否則我既眼淚必定可以用o黎賑(旱)災~ :p

每齣劇集令人最期待既係個結尾﹐但係往往最令人失望既亦係個結尾。

婉君老師﹕「愛情既道路﹐係絕對唔可以容納三個人。」所以﹐我同意結局應該以o甘既方式完結。

不過﹐我諗我就唔可以做到o甘堅決。

不過雖然生活忙碌中又帶點枯燥乏味﹐但係我近來既每一日都過得好愉快呢~ 呢種快樂係毫無疑問地可以用心感受得到﹐就好似翱翔天際o個種感覺﹐好爽~ 

一直渴望想飛﹐但係我知道我夢想係可以飛得更高﹗

雖然我唔知道此刻令我快樂既原因何在﹐不過我知道快樂難尋﹐亦更希望此刻既快樂可以一路伸延落去﹐直至抵達我既天空~ :D

＊想開心﹐又點可以無古古力呢﹖

溫書溫到o甘上下(悶)﹐一開著部電腦﹐就睇o左一整晚既花四 video .(焦點當然落在朱天天身上啦~) 本來真係知道自己要養足精神﹐唔應該太夜訓﹐不過開始睇第一個 video 以後﹐大腦同手指就續漸變得唔協調。睇完大部份天天既 video﹐又想睇埋花四第一次抵達香港落飛機後既片段﹐然後係坐車番酒店休息﹐仲有預備去同傳媒見面、電台錄音、錄音既情況、電視錄影、做訪問、影相、萬人握手會、再做訪問、拍宣傳照......

真係好慶幸發掘得到一個內容o甘豐富既網頁﹐俾我可以見足一整晚既朱天天﹐對身在異鄉､閒來想睇一張天天既照片都幾難既我﹐係一個萬分感動既收穫呢﹗ (仲明顯地令我陷入絕對瘋癲既狀態o添啦~ 呵~~)

不停地睇o甘多 video 真係好睏﹐不過親眼目睹一連串"真實片段"﹐尤其係睇見幾百個歌迷聚集機場﹐不斷拍打玻璃同玩追逐戰既時候 (感覺就好似o的小朋友參觀水族食官﹐一見到大白鯊､北極熊､海獅､企鵝o甘囉)﹐o個種氣氛真係好澎湃亦好嚇人。另一方面﹐我亦感受到受萬人擁帶帶o黎o個份興奮同壓力。

要喪失自由﹐代價太大呢.......

盼望你沒有為我又再度暗中淌淚
我不想留低  你的心空虛
盼望你別再讓我像背負太深的罪
我的心如水  你不必痴醉

你可知  誰甘心歸去
你與我之間  有誰

是緣是情是童真  還是意外
有淚有罪有付出  還有忍耐
是人是牆是寒冬  藏在眼內
有日有夜有幻想  無法等待

盼望我別去後會共你在遠方相聚
每一天望海  每一天相對
盼望你現已沒有讓我別去的恐懼
我即使離開  你的天空裡

多少春秋風雨改  多少崎嶇不變愛  多少唏噓的你在人海

成點鐘先起身﹐爹o地媽咪同細佬都各自準備出街街﹐換言之﹐全間屋又變成我一個人既小天地喇~ 嘩哈哈哈~~ 

先食一個細佬怕怕既 Fillet-O-Fish 做 lunch﹐然後邊對住部電視邊讀 novel﹐讀到o甘上下﹐又係我同部電腦幽會既時間喇~ 近排一坐底o左﹐就坐唔夠三粒鐘都唔願走﹐先前係因為「中毒事件」﹐而加就係因為....  (不便晌樹透露o甘多﹐否則必定惹來朋友仔既鄙視﹐哈﹗) 真係怕我副眼鏡唔頂得幾耐呢~

有得玩電腦箇然快樂﹐不過玩得多﹐我又會開始埋怨何解我要身在西方異國... (嗚...)

自從前一個星期晌小宗屋企睇o左幾集阿旺﹐跟住番學校見到欣兒 (Goretti 既新名﹐喲呵呵~~﹗)﹐佢又不時我晌耳邊講起阿旺既劇情､晌我眼前扮阿旺既表情之後﹐我就真係再忍唔住誘惑﹐就算係考試前夕都拼死要開始租阿旺o黎睇。已經睇o左八集﹐琴晚我o地成家人仲一齊連續睇o左三餅阿旺﹐睇到成兩點先訓o添~~ :p

「冬于明白典解阿旺近受歡迎吶」﹐原來呢齣劇真係好鬼攪笑 ( 十粒★﹕強力臂彎枝魯河﹗)﹐劇情亦好緊湊。但係﹐其實齣劇除o左有一連串既惹笑位之外﹐阿旺既角色係一個 "夢想"﹐先係最吸引既地方。單純､善良､快樂､知足､上進､有責任心而且疼錫身邊既人﹐佢真正地完完全全演譯出何謂「有心人 + 開心快活人」。

生活晌呢個以自身為重又充滿選擇既世界裡﹐試問又有邊個唔想遇上呢種人 + 成為呢一類人呢﹖=)