七月的日記
七月二十九日(星期六)3:25pm
分手…究竟係咪一個最好o既選擇呢？其實，若果大家起埋一齊都唔開心o既話…做返朋友可能大家都會開心D…。但係，你地又捨得你地一齊渡過開心o既日子咩？能夠做得成情侶，已經好難得架喇。如果你地真係 真心相愛o既話，相信…你地一定可以一齊面對問題架！唔好咁易放棄啦…我真係唔想見到你地咁樣呀！我 自己都好心痛呀…問題始終都可以解決，俾D信心大家啦，唔好再逃避喇，逃避只會令問題越積越多！鐘意 一個人會為佢改變架，你地可唔可以嘗試改變自己呢？ 真係希望可以再見到一對糖痴豆o既牛奶仔同牛奶 妹。…真架，天父…i wish.....
待續------3:57pm
七月二十八日(星期五)6:41pm
有一個問題，諗左成年…我都係搵唔到個答案！「究竟男同女係咪冇朋友做o既呢？」…hmhm…好多人都 話係冇o既。而我都係咁諗…但係，有冇破例呢？我相信一定有！！我曾經應承過自己，由而家至考完A-Level，我都唔會鐘意人。我知我一定做到架…我對一個男仔特別好，唔係因為我鐘意佢，只係因為我珍 惜佢咋…如果我以前咁樣做會令人誤會o既話，咁我o向度同你地講sorry lor！Amy Mok唔會咁易鐘意人架！ 況且而家我都唔想拍拖，我都覺得拍拖真係好麻煩架！所以，你地唔好成日「芝」佢啦！
不過，你地點講都好啦，我仍然會咁尊重佢同珍惜佢架…相信真正o既友誼係唔會因為呢小小o既傳言而破 壞到o既！！！我好有信心我地一定可以打破「男同女冇朋友做」o既定律…你呢？ :)
P.S. 唉~~~~希望「佢地」唔好咁硬頸喇，拍拖係兩個人o既事呀…大家應該一齊分擔呀嘛！真係希望佢地兩 個快D和好如初…！=^.^=
待續------6:52pm
七月二十七日(星期四) 5:35pm
唔知點解…近排成日都訓唔著。尋晚成四點鐘先訓！唉~~~~成晚輾轉反側，睇完《烈火雄心》…之後就聽 《凱琪的天空》。之後，坐左o向張床上面發呆…突然之間肚餓，食左D野，但係始終都訓唔著。就好似就 快會有事發生咁，究竟將來會有咩事發生呢？諗諗下，忽然之間覺得自己好無助。真係好笑，點解我會諗左 D咁o既野架呢？……
尋日冇上網，因為我想得到一D野…所以放棄左上網。(係咩？秘密！^.^)我用成晚失眠o既時間諗通左！我唔 應該再鐘意貓利。我唔可以再等待一D冇可能o既人，我唔可以再做一D冇結果o既事！我棄權喇…或者，將 來會有一個更加珍惜我o既人…一定會！！=^.^=
待續------5:47pm
七月二十五日(星期二)3:30pm
我發覺之前所有擔心o既野都係無謂o既…友情係兩方面o既！只要相方都有心去維繫呢段友情，我相信我地 一定可以友誼永固！=^.^= 我不論對佢，抑或對我地之間o既友情，都重新建立起信心，因為我知道…我終於 搵到一個懂得尊重別人o既朋友…而且佢仲可以頂得順我呢個咁難頂o既人！！哈哈~~真係難得！！
有好多人都問我呢個「佢」係邊個…hmhm…我死都唔講啦~~~~~！費事你地又亂咁諗野呀！最重要o既係 「佢」自己芝道「佢」係「佢」…咁咪得lor！ :p hehee
待續------3:40pm
七月二十四日(星期一)5:28pm
好耐冇上網lu…成四、五日。所以一返到屋企就即刻立即上網，睇下收唔收到佢o既offline message！講真 啦，以我o既性格…又點會嬲一個人嬲得耐架！我都想聽下佢o既解釋…唉！天意弄人…我一online…竟然咩 messages都收唔到！！試問冇上幾日網，點會一個offline message都冇架？天意啦…的確有少少唔開心！不過 或者佢都冇send offline messages比我呢…。
我已經唔想上網喇…尤其是玩ICQ，開始覺得無聊同冇野好講…但係只有上網先可以維持我地o既友情… 唔 通呢一段咁難得o既友情就咁就冇左？唉…… >.<
待續------5:52pm
七月二十一日(星期五) 2:43pm
我…真係冇再上網，因為…我已經冇藉口！唔洗理我…。黎緊呢幾日，我會去旅行…我更加唔會上網！或者 …… 去完旅行返黎先算啦！不過，我已經習慣左唔上網o既日子，反而…我想做晒D功課先！我已經做左個 時間表比自己！我唔想再徙時間喇…我知道而家咩係應該做，咩係唔應該做…我諗，我要溫書喇！=^.^=
我冇嬲到任何人，反而我覺得之前o既所有野都係virtue…已經冇咩值得我去可惜！算啦……我只可以咁諗！
待續------2:52pm
七月十九日(星期三) 1:36pm
又再一次被美麗的謊言欺騙……係咪當每個人太易得到一樣野o既時候就唔會識得珍惜呢？… 我唔會怪貓利 唔識珍惜我，因為我根本冇權霸佔佢！但係你呢？你曾經對我承諾過…「我會非常珍惜你」，但係你講大 話！！>.< 當佢一上網，你對我o既態度立即變得異常冷淡……連我自己都唔可以相信o個個係你！……為你 早已建立o既信心，一時之間…變成失落………… 原來，你同佢地一D分別都冇！！
我不單止對你失去信心，連對「情」亦失去信心。 我已經冇理由再上網！！ 我上唔上網…又有何相干呢？… WHO CARES!?!!!?!??!?!?! :(
待續------1:44pm
七月十四日 (星期五) 1:20pm
唉~~~~~ 我個心好唔舒服呀！！因為我得罪左一個人>.<！我都知我好麻煩架喇！佢特登幫我搵左個位，我應 承左佢之後，又放佢飛機…對唔住呀！！:( 人地已經好忙架喇，我仲煩住佢…又奄尖喎…！！搞到我好唔好 意思呀！！點樣先可以令佢原諒我呢？我以前又成日串佢，但係佢而家又對我咁好，我feel guilty呀！就算佢 原諒左我，我都過意唔去啦！！我一定要做返D野補償呀…如果唔係我個心會一直咁「銀住銀住」架！！
P.S. 拿，JACK哥，你要乜野補償呀，只要係我能力範圍做到o既，我都會做架！！:p
P.S.S. sorry sorry sorry sorry sorry sorry sorry sorry sorry sorry sorry sorry sorry sorry sorry sorry sorry sorry sorry sorry