芝仔簡介
|
芝仔簡介
|
|
 |
姓名：Amy
Mok 花名：芝仔 性別：女 年齡：(自己計啦！) 出生日期：1982年2月12日 地址：沙田大圍 ICQ No.：16284560 E-Mail：amy_chichai@hotmail.com 星座：水瓶座 就讀學校：協恩中學 班級：中六文科第二年 家庭成員：爸爸、媽媽、三個家姐、我 嗜好：玩電腦、ICQ，唱K、行街買衫同扮靚 |
|
|
|
|
唉…自從上次o既homepage出爐之後，
到而家，都過左成年啦…
今年經歷o既事好多，個人都大個左，
我…真係變左喇！…
識得我o既人都會覺得我好鐘意講野，其實，我唔係架！我唔鐘意講野，我唔好動架，我鐘意比較靜態 D o既 溝通方法，例如：ICQ、寫信、EMAIL等等啦！ 我唔鐘意傾電話，因為傾電話一定要講野，又唔鐘意 有dead air喎，玩ICQ就唔同la，有時間比我諗，咁就唔會咁易得罪人啦！(我個人真係幾直架，所以，以前有咩得罪，你地唔好怪我喎！=^.^=)
我係一個好鐘意笑o既人，如果有個天使黎同我講比一個願望我，我會話：「我希望永遠都咁開心！」 因為 人做所有野都係想自己開心o者！所以，我會想辦法令身邊每一個人都笑！我鐘意講笑，因為，見到周圍 既人開心，自己都會開心D。就算自己唔開心，都只係會表露比熟o既朋友知…其他人係唔會知我唔開心o既 ，因為唔開心係自己o既事，返屋企咪自己鎖埋房門喊lor，又點可以令身邊o既人陪你一齊唔開心呢？:)
我sure我係一個好好o既listener，可能因為我比較八，所以鐘意聽人地o既煩惱！同樣，我亦好欣賞一D有耐 性o既人，可以幫我一齊解決問題…朋友同朋友之間，係要互相了解同幫助o既！朋友係講心o既，一段純真 既友情，係超乎一切私心與利害o既！ ^o^
竟然有人話我似女強人？！唔係呀話？我不知幾倚賴呀…以前我o向學校未試過自己一個去廁所架！…我一 D都唔「強」呀！你地唔好以為我好硬正先得架！我係一個好易比人傷害o既人黎架！不過，直至今時今日 ，我比以前獨立左，反而，我鐘意左自己一個人行街…另外，我仲堅強左tim，因為經過一個「偽君子」o既 教訓，我唔會再輕易拿出感情，唔會再比人傷害自己！
哈哈…我覺得我都幾細心架…我好鐘意留意身邊o既人，記得每一個人講過o既野(生日除外)！我修art架嘛， 所以觀察力都唔差架！女人o既第六感好準，可以睇穿一個人…騎騎…你地小心D呀！ :P
我係一個好硬頸o既人，只要我認為係o岩o既，而又值得去做o既，我係唔會聽周圍o既人點講。所以當我鐘 意一個人，會好專注…其他人點講都唔會影響到我。一但當我對呢個人完全失望o既時候，我會毫不猶豫放 棄佢！
成日都比人話我口花花，皆因成日周圍叫人靚仔、靚女…有乜所謂喎！點都係一句之嘛！美麗的謊言係唔怕 講架喎！我好鐘意人地叫我靚女架！雖然我唔係，但係你唔覺得咁叫法係親切D咩？KEE~~~好得意架，我覺 得不同等級o既朋友，稱呼我o既方式都唔同架！你睇下你係我心目中o既邊一級：
超級熟o既朋友：死婆！喂！
好熟o既朋友：莫X芝
熟o既朋友：Amy Mok
幾熟o既朋友：靚女
普通朋友：Amy
由於係咁，我好唔鐘意人地叫我做Amy架，一來我唔鐘意呢個英文名啦，二來好似太生疏喇，咁多人叫 Amy 你想叫邊個先？ 所以，你地最好叫我做Amy Mok 啦，好似closeD呀呵？！而我比較鐘意叫人個中文名架， 如果我叫得你個中文名，就即係証明我當你唔止普通朋友咁簡單喇！=^.^=
我超大頭蝦架！成日漏低野o向人地度唔記得拎返！仲記得有一次我仲漏低左個書包(冇錯，係一個返學o既 大書包！)o向「狠得機」lor…幾威呀！傘都唔見左好幾把…kekeee~~~~
咁…其實仲有好多我都講唔晒o既，
只要你識左我，就會知道我係一個點o既人啦…
不過，我係唔會隨便識人o既！尤其是net friend啦！ :)
所以，識得我o既你，
的確係十分之幸福呀~~~~ 呵呵呵~~~ ^o^
所有人都有自己鐘意o既野，
我係一個人，我都唔例外架…就算你識左我幾耐都好，
都未必知道晒我鐘意咩架…
拿，個機會你又了解我多D啦！！！=^O^=
| 動物 | 大兔仔、狗仔、貓仔…有毛o既都鐘意架！ |
| 卡通人物 | 叮噹(冇其他喇，我對佢好專一架！) |
| 朋友 | 亞廠…best friend嘛！ |
| 食物 | 所有生果、魚生、百福燉奶… |
| 科目 | 心理學 |
| 人類 | 亞伯…一個冇人可以代替到o既人。 |
| 老師 | Miss Mau呀！教英文o個個呀！雖然佢真係好嚴，但係 我讀左咁耐書，係佢令我覺得英文堂唔係一堂空堂架 咋，而且今次考試，英文仲進步左，多謝Miss Mau！ |
| 電腦遊戲 | 所有sim games (e.g. SC2000, simtower...etc) |
| 牌子(衫) | CX、CHILLI、BOSSINI(童裝)、無牌街邊貨… |
| 顏色(著衫) | 粉紅、橙、橙黃、紅 |
| Style(著衫) | T-Shirt+牛仔褲 或 T-Shirt+及膝裙(牛仔) |
| 牌子(化妝+護膚品) | Clean&Clear、Red Earth、Neutrogena |
| 季節+節日 | 冬天o既聖誕節 |
| 地方 | 旺角中心、沙田新城市、海旁、屋企 |
| 國家 | 香港 |
| 歌星、明星 | 古天樂(不過我唔會瘋狂咁鐘意佢，只係覺得佢幾靚仔 之嘛！=^,^=) |
| 歌曲 | 花與琴的流星 |
| 漫畫 | 小新、叮噹 |
| 時間 | 夜晚(特別係過左九點之後…) |
| 飾物 | 頸鏈(長期帶住啦！)、手鐲、耳環 |
係咪好開心呢，又認識我多D喇~~~
哈哈哈哈~~~~ ^O^
我諗唔到仲可以寫D咩喇，
如果你有野D咩提議，記住同我講喎！
每一個個體都有其獨特之處，
而我o向我上一個homepage都講過啦，
我係一個名副其實o既怪人！
有幾怪？講少少見得人o既比你地知啦…
1) 我好鐘意諗野
我真係好鐘意用腦架，冇一個時間我個腦係空白o既！就算臨訓之前，都會諗好多野先訓得著，所以，我成 日都會失眠。哈哈~~~我會諗D咩？好多架喎…不過通常都係諗人啦！你都可能比我諗過架！因此，當我遇 上一D唔開心o既事o既時候，我又會成日諗返起…於是就越來越唔開心！！為左唔比自己成日諗野，我會不 斷搵野黎做…去打發自己o既時間！
2) 我唔食得朱古力
如果我自殺，我會選擇食朱古力！哈哈~~~~ 如果我食左一排三角朱古力，足以令到我死！！皆因我食朱古 力，輕者會發燒、重者就會流鼻血(仲要係流血不止o個種)。而且我係一個超易流鼻血o既人…已經流到習慣 晒lu~~~ 死未？！哈哈！
3) 我好鐘意打中文
當我初初玩ICQo既時候，我好鐘意同D打中文o既人傾計架…我覺得佢地好叻，因為以為倉頡真係好難學架 ！但係，原來唔係lor，一D都唔難學呀，仲好好玩tim…只要打多D就會識架喇！=^.^=
4) 我一定要飲水
係…係人都要飲水…但係如果我六個鐘頭裡面，一滴水都冇飲過，我又會死架喇！呢招都會令我流鼻血架！ 所以，如果要自殺，我一定會揀食完朱古力之後，十個鐘頭唔飲水！！(不過我唔會o既！^.^)
5) 三心兩意
係咪所有女人都係咁o既呢？我只係覺得我o既感覺係好飄忽架…尋日可能仲鐘意「佢」，但係到今日又好似 冇咁鐘意喇喎…當機會錯失左之後，又可能鐘意返佢…唉~~~ 係咪個個人都係咁架？
6) 寧天下人負我，我不負天下人
我好怕欠人野，而且好怕人地對我咁好…因為我唔想玩一D永無止境o既遊戲。我久你野，遲D我又要還返比 你…好煩！尤其是一D唔係咁熟o既朋友，如果佢地對我太好，我會唔好意思架！另外，我又好怕求人，煩 到人架…除此之外，我又好怕得罪人，雖然：it's difficult to do everyone's favour 呀，之不過，係人都唔想黑 人憎架啦！所以，如果我一得罪人，我個心就會好唔舒服，用咩方法都好，一定要同左o個個人say sorry先！
7) 我對女仔好過對男仔好多好多…
一D女仔好恐怖架，一見到男仔就嗲聲嗲氣！！(就好似亞邊個邊個咁… ^.^) 我好憎D咁o既女仔架！我絕對 唔係呢D人，而且仲係比較extreme，我對住男仔會變箭豬架…反而對住女仔，我會溫柔D，同埋會照顧佢地 。或者可能我始終都覺得男仔幾時都要就女仔卦~~~~
其實我覺得我D怪癖都好黑人憎架…
我會改架喇~~~
各位朋友們，如果你地發現我仲有咩怪癖，
記住通知我喎！！=^.^=
呢度諗唔到可以寫乜野…
不如就等你地黎問我問題啦~~~~
你地仲想知我D乜，
又或者想我講關於D乜，你就同我講啦！
(呢一版會不斷更新架！請密切留意！！)
好好睇呀，但係我係時間要返主頁喇！