八月的日記

八月三十一日(星期四)7:53pm

唉呀~~~~~~~~~~~~~~~~~~！！好痛好痛好痛~~~~~~~~~~~~~真係好痛呀！！>.< 下次唔好咁傻喇，芝唔芝？ 我真係情願我淋住雨跑返屋企拎把遮黎接你呀！！我冇所謂架喎，我等得架喎！…我好驚你病呀…你唔好 病呀！！>.<你病左，我又整病自己陪你一齊病架！

突然間，覺得所有煩惱都唔見晒呀…唔芝點解，每次伏o向你度o既時候，都好寧靜、好舒服…我會合埋雙 眼，回憶返芝前同你一齊做過o既事……全部都係開心架！=^v^= 芝後，我自己就會o向度傻笑…^v^… hehe… 哈哈哈~~~~同個傻婆一齊，係咪好驚呢？kekekee~~~不過，我係一個為你而傻o既傻婆~~一個為亞 伯而傻o既亞婆！ =^o^=

待續------8:22pm

八月三十日(星期三)8:32pm

好開心呀~~~~~~~~！！突然芝間好鐘意睇恐怖片tim！=^.^=下次再去睇過呀~~~~！！不過…hmhm…又會係 幾時o既事呢？唔緊要啦，等你儲完錢，第二套戲再上畫o個陣先再去睇！^v^今日真係好開心呀，因為我唔expect你會陪我陪到咁夜架！！我成日「抖大氣」，係因為我想感受下呢一個咁難得o既浪漫而寧靜o既氣 氛。我會深深將每一個與你共渡o既時刻記入我腦海裡面，我永遠都唔會忘記…你永遠都會o向我回憶裡面 陪住我…。無論返學、訓覺、發夢…你都好似o向我身邊，永遠都唔會離開我……。=^v^=

P.S. 祝老鼠同亞SUN生日快樂~~~~~！=^.^=

待續------8:42pm

八月二十九日(星期二)2:03pm

唉~~~~~我應該係開心定唔開心呢？…我而家仲係發緊一個美夢，但係，呢個美夢會唔會有甦醒o既一日 呢？我真係唔芝呀。只有你，先可以話到個答案我芝…只有你，先可以為我繼續編織出一串又一串o既 美夢。八月二十八日呢個日子，我永遠都唔會忘記架…希望你都會記得呢一日所發生過o既事。我芝道你 唔可以經常陪我渡過每一個浪漫o既晚上，但係，物以罕為貴呀嘛…我將會更加懂得珍惜你同我o既每一個 晚上……我唔會介意你陪唔到我架… =^.^= 我亦唔會因此而搵第二個黎陪我…放心啦！我會等待你下次再 同我手牽手漫步o個條林蔭大道架…！！(不過…又要我等？唉~~~~~~~~~ >.<)

待續------2:15pm

八月二十六日(星期六)3:33pm

今日…可以聽到好多次你把聲…真係好開心呀~~~~~ =^.^=我好鐘意聽你唱歌呀！！heheeh…真係好好聽呀！ 但係呢…hmhm…唔芝點解，總係覺得…開心過後，會係唔開心架。因為開心o既quota會用晒架…我唔想唔 開心呀~~~~~~~~ >.< 你可唔可以永遠都令我可以好開心呀？可唔可以俾一D unlimited o既「開心quota」我 呀？……仲有呀，你唔好收埋自己諗野唔話我芝呀，咁樣我會好擔心架…我唔想估你諗咩，我只係想你有 乜都會自動同我講…你做唔做到呀？ ^.^

待續------3:48pm

八月二十五日(星期五)8:46pm

呼~~~~~我終於都見到你喇！！好開心呀~~~~！個感覺真係好warm呀~~~。唔芝…你有冇一個同我一樣o既 感覺呢？=^.^=其實，我真係希望你同我所講過o既說話都係真心架，而唔係只係甜言密語、為左tum我開心 先講…。不過，我可以肯定…我對你所講過o既野，全部都係真架…全部都係我真心o既感覺黎架。=^.^= 尤 其是係我曾經對你唱過o個首歌… 我希望你對我唱過o既o個首歌，都係你o既真心話。~^v^~

唉~~~~我真係好期待28號o既來臨… :p

待續------9:07pm

八月二十四日(星期四) 2:57pm

真係好似發緊夢咁…係一個好甜o既美夢，我真係永遠都唔想醒。我只係覺得…我o向呢一刻真係好幸福。 我唔芝上天會幾時收返我呢份福氣，但係，我可以好肯定…當有一日我要失去你o既時候，我唔會有任何 怨言，因為，我已經曾經擁有過一份真正去愛人同埋被愛o既感覺…亦即係…我曾經擁有你，我就心滿意足 喇。=^.^=我唔會理我地有幾多障礙，有幾多困難……只要有你陪我一齊渡過、一齊面對，我係唔會怕架！ 我已經好耐冇見過你喇~~~~~~~唉！>.< 你幾時先會再o向我面前出現…俾我再見下你溫暖o既笑容同眼神呢？

待續------3:06pm

八月二十二日(星期二)11:57pm

對唔住呀~~~~~ >.<…係咪我太煩呀？…定話我太高要求呀？定話係你溫書溫得太累呀？…係我唔識體諒你。 真係對唔住呀~~~ 如果你有咩唔開心，你同我講啦…尋晚最後o個個電話聽得出你有少少唔開心呀。點解 唔開心呀？你話我芝啦，我一定會改架…我話過架嘛，有D咩問題要一齊去解決架。咁樣我會好擔心架… 。 如果你覺得煩，就唔洗成日打電話黎啦…我講下架咋…你得閒先搵我LOR。好冇？=^.^=

P.S. 好耐都冇見過你喇…就快唔記得你個樣喇~~~~~！！>.< 好想二十八號快D到！:>

待續------12:08am

八月二十一日(星期一)6:54pm

我…竟然做左君好？…我配唔配呢…？！點都好，我一定會好好記住呢一日…一定會！！我始終都揀左禮 信，而文初？佢永遠都會係我o既好朋友，而且仲將會係我o既「間諜」！=^.^=我唔芝我同禮信會唔會長 久，或者係因為…我真係唔芝禮信鐘意君好 D乜…我真係唔敢相信，只係短短一個月…但係，我想講俾禮 信芝，君好係認真o既，我好希望禮信都可以好認真咁珍惜君好。將來一定會有好多問題，我都好希望君好 同禮信可以一齊解決。我好開心，真係好開心……我已經為你而流左第七滴眼淚，o向將來o既日子…我希 望你可以為君好帶來更多開心o既眼淚，唔好再要君好為你而傷心喇…。:...) I promise, I will treasure every moment you share with me~~~~!! =^v^=

P.S. 喂！禮信…你背熟晒《芝仔鐘意咩類型o既男仔》o既內容未先？我對你有信心，你一定可以做到一個 十全十美o既男朋友。

P.S.S. 多謝你，文初…你好偉大，我好欣賞你。^.^

待續------7:27pm

八月二十日(星期日)8:53pm

我真係好唔捨得冇左你，但係…我唔想等你個answer。你芝唔芝你咁樣對我真係好殘忍呀？我好似一個被判 死刑o既重犯…但係…我冇犯罪喎，點解要我咁去等呢個懲罰呀？你懷疑自己係咪鐘意我…我更加懷疑你。 既然你都可以咁忍心要我受住等待o既痛苦…我已經唔洗芝你鐘唔鐘意我… 所以…我唔要answer呀！！唔好 俾我……。>.<我心淡喇，你想我點？算啦……既然你都唔識珍惜我，唔識尊重我， 我仲為你等黎做乜喎？ 我真係唔明白點解你可以叫一個女仔等你……。算啦，當乜事都冇發生過啦，我冇事…我地仲係一對好好 o既 朋友！:)

p.s. 幫你錄左比卡超喇~~~~~但係你要升到班先有得睇架！=^.^=

待續------9:08pm

八月十九日(星期六)9:16pm

對唔住…我真係唔想架。如果呢個世界冇我o既存在，咩事都唔會發生…而我亦都唔洗令你咁煩惱…我真 係好心痛。:...(不如，我退出啦…好冇？咁樣至少唔會令你地受到傷害……我真係唔忍心。我寧願只得我去 忍受呢種痛苦，唔緊要…我慣架喇。唔好因為我…而令大家都唔開心，我只係一個普通人…我好渺小架咋 ……你地唔值得為我搞成咁。我會尊重你o既決定，但係無論點…你所謂"impossible" o既excuse都唔會成真。 愛是不可施捨……。搵到一個自己鐘意o既人好難，但當兩情相悅o既時候就更加難…你點做都好啦，唔洗 理我感受…我會冇事架…。

9:27pm------待續

八月十八日(星期五)3:19pm

好耐都冇寫日記喇~~~~唔係冇事發生所以我唔寫。而係……發生左太多事，我真係唔芝由邊度開始寫起。 我真係唔芝我可以做D乜…我都唔芝你究竟想點…我更加唔芝我地係咩關係。任何人對我講，我都唔會相 信，……係我唔敢相信，直至有一日你肯親口同我講。我芝你唔會講，我會等…但係…我唔想等，「等」……呢個感覺真係好辛苦。等到當我筋疲力盡o既時候，我會自動放棄…我真係會放棄……。:...(

待續------3:30pm

八月十三日(星期六)7:24pm

o向愛情o既角度黎睇，男仔同女仔有咩分別呢？…佢地其實係處於一個好唔同o既位置架。話我保守又好， 扮矜持又好…我始終都係覺得女仔永遠都應該係扮演一個被動o既角色。好開心可以為我o既朋友解決感情上 o既煩惱，或者…你地會認為我係"expert"。但係，有邊個又會芝…其實…最失敗o個個…係我。試問…又有 邊個想做文初喎…？而我？真係唔芝點解，次次都做左文初呢個角色……！點解我永遠都做唔到君好？！ 點解喎？！>.<算啦，一次又一次…我又可以做得D乜野喎。去同人爭咩？我自問冇咁o既能力；去同「佢」 表白咩？唔得…「送上門」o既方式…會令「佢」唔懂得珍惜我…。到頭來，我亦只係將「佢」雙手奉獻左 俾「她」。唉~~~~~~！其實我應該開心至係呀，起碼佢搵到一個佢鐘意o既女仔…將會有人為我照顧「佢」……我已經心滿意足喇…。

待續------7:40pm

八月十一日(星期五)7:19pm

就係因為一個「佢」，竟然可以令到我做唔到功課、溫唔到書、訓唔著覺！！「佢」竟然有咁大影響力？ 好辛苦呀~~~ 不如算啦…！！我唔想再理喇…唔洗幫我架喇。我都唔係踩得好深芝嘛…算啦，我不嬲都咁 失敗架啦。其實我應該一早就諗到佢鐘意o個個唔會係我啦，係我自己傻芝嘛。我冇事喎，橫掂都就快開學 啦。我諗我都係時間收拾心情去讀書喇，唔可以成日諗住佢。我呢個月都唔想再見到佢，見唔到佢，我就 會冇事架喇~~~~ 我會好快就忘記到佢！！唔好再提佢…唔好煩我！我好快冇事………

待續------7:45pm

八月十日(星期四)3:01pm

愛情呢D野真係好麻煩呀~~~~！一係你鐘意佢，佢又唔鐘意你；一係佢鐘意你，你又唔鐘意佢喎。有幾多 個真係可以咁巧合可以兩情相悅架？！當我鐘意佢，我真係好想佢芝架…但係，我唔可以話俾佢芝，因為 我係一個女仔…唔可以！！一定唔可以呀！真係希望可以同佢做一世o既朋友，可惜…「我鐘意你」，係一 事實，我永遠都唔會因為可以同你做到朋友而芝足。哈！真係荒謬…當我芝道佢鐘意左個女仔，我會想辦 法去幫佢…！點解要我做埋呢D事與願違o既事呀？！但係我一定會幫你，我甘心幫你，因為你o向我心目中 已經同其他人唔同。

P.S. 今日係OCO生日o既日子呀~~~~祝生日快樂！！=^.^=

待續------3:14pm

八月八日(星期二)3:20pm

拍拖？呢個問題纏繞左我好耐…其實我真係好怕拍拖。或者係因為…我覺得我唔值得人地去鐘意我！我唔 相信會有人真心對我。我都係唔想再諗呢D野…每一次都係咁架，當我以為我真係同呢個人可以發展o既時 候，到頭來…唉~~~~~~~~~~~~~~~~~。我唔想諗喇，真係好辛苦架。其實，如果可以唔拍拖，就咁做朋友， 可能會仲開心呢！我真係想做一個唔會鐘意人o既芝仔呀~~~~！唔芝我做唔做到呢？ >.<唉~~~

真係好開心呀~~~~ 因為尋日同左班朋友去左唱K。仲影左貼紙卡tim~~~ :)而家先芝道，唔係個個人都可以 電到我架喎！！哈哈~~~~~ 芝不過，芝仔已經康復啦，唔好亂咁估喇。我暫時唔會鐘意任何人，佢地 全部都係我o既好朋友…唔好迫我啦，鐘意一個人真係好辛苦架！:<

待續------3:41pm

八月六日(星期日)12:15pm

問你地一個問題：「以前，你有一個好鐘意o既人，一向對你好好…但係，有一日佢粒聲唔出咁同左第二個 一齊，o個陣時…你會唔會好憎佢？」我會…而且仲係好憎、好後悔、好失望…。「佢幾個月都冇搵你，有 一日，佢竟然同你講：『對唔住！』你又會點？」我曾經對所有人都話：「我已經唔憎佢…算啦，我唔想再 理佢！」但係…又會係真咩？假架…！我不芝幾咁憎佢，憎到佢死呀…但係我可以做得D乜喎…我無能為 力！等佢呢句說話等左七個月，到而家…我對佢已經冇晒感覺。………

我會原諒你咩？唔會！ ……我會向你討回賠償咩？我唔要！…你o既事已經同我無關…我唔再需要你！

待續------12:29pm

八月三日(星期四)7:13pm

嘩~~~~ Amy Mok！！醒下啦你！！你真係好懶呀~~~~！之前咪話有個溫書大計o既？咁快就忘記左拿？！ 日日去街~~~~！！今日前日又去同人食飯，今日又去唱K！！真係太過份喇…！！不過，今日去唱K都係 值得o既！都幾開心呀~~~！=^.^=但係真係唔好意思呀~~~乜都要徒弟仔請我~~~~但係…咁呢D又真係男仔應 有o既風度黎o既~~~ carry on！做得好…不過我始終有少少過意唔去~~ :p另外，「step派」掌門人…我俾信心 你…鐘意人就上啦！！機會錯過左就冇架喇！！你咁一表人才！一定掂呀！！一於約佢出黎唱K~~~ 實行 「電」~~~~~~~~~~~~~~~~~~~~~~~~~~~~~~~~~~~死佢！！加油！ ^_^

待續------7:21pm

八月二日(星期三)2:44pm

尋日，係「衰仔」o既生日…我真係唔想留o向屋企。咁o岩，Monica約我去街，我一口就答應左…諗住只係 搵個人陪我渡過呢個咁難過o既日子。出乎意料之外，除左Monica…仲有兩個猛男陪我(哈哈！)。真係好開 心，原來…「衰仔」o既生日，唔能夠同「衰仔」一齊過，都可以好難忘架。真係好多謝佢地三個俾左一個 好開心o既晚上我，令我暫時可以忘記呢一日o既痛苦…多謝~~~~~~！！

我…講左個大話呀~~~！對唔住！！>.< 其實「貓利」亦唔係讀ST. JOSEPH架…我真係好想講俾你地知，但係 我唔可以…我真係當你地係朋友，不過…就係因為咁，我就更加唔講得！唔好問啦~~~~ 你地可以當 「貓利」係我自己作出黎架嘛…唔洗理我喎！只要俾我見到「牛奶仔」同「牛奶妹」可以變返糖痴豆，而 「OCO」可以康復過來(不論生理同心理~~ :P)，我就會好開心架喇！=^.^=真架！

待續------2:57pm

八月一日(星期二)2:08pm

今日…係「衰仔」o既生日。記得今年二月十二日，即係我o既生日，「衰仔」曾經陪伴我一個浪漫o既晚 上，為我慶祝生日…。今日，到佢o既生日喇…反而我唔會同佢一齊過。唔係我唔想陪佢，而係佢已經唔 需要我去陪佢。究竟我可以做得D咩呢？有冇人可以話到俾我知呀？！…唉~~~~算啦，或者，我唯一可以 做到o既只係o向度同佢講一聲「生日快樂」…相信佢唔會聽到…不過，只係盡左我o既責任就夠喇。希望 佢可以玩得開心D啦…。^.^

待續------3:30pm