一去到個場, 我已經有0的想喊, 不過買con goods要緊~~~ Lillian斷0左手指尾甲, 唔多唔少都係因為我, 我都感到唔好意思............ 入到個場, 我發現我0地個位原來係好遠好遠............. 唉, 算啦~~~!!! 我0地早0左好多入去, 等0左好耐先開場, 爭0的叩訓著~~~ 我發現有好多一家大細0黎睇con啦, 真係幸福~~~!!!
yu一出0黎,
我已經忍唔住"啤啤聲"咁喊, 感覺就好似第一次睇KinKi con一樣, 又感動又激動~~~!!!
yu真係好靚!!!
佢0的live好0左好多, 冇唔夠氣0既情況出現, 走音0既情況亦好少好少~~~ 我好慶幸我鍾意0既idol係個咁厲害0既人!!!
yu今次0的造型都幾多,
又有花火放, 個con真係好好睇, 縱使我0地個位唔係咁好~~~ 仲有,
我第一次見yu跳舞(除0左Unite),
不過佢跳舞始終有0的怪怪地...... 之後yu喊,
我又喊~~~ 我覺得作為一個表演者應該要有舞台感染力, yu佢絕對有!
不過MC太少, 根本冇時間坐低, 企足兩個鐘頭十分鐘!!!
Con完0左, 我0地諗住快0的走, 咁搭車唔駛咁趕, 點不知我0地跟錯人走錯路, 行0左另一邊, 我0地要勁走勁走咁, 左穿右插先去到個站, total 0既路程差唔多係中環置地行返我灣仔屋企咁上下.............. 但結果我0地都係趕唔到原先予約0個班新幹線, 要搭遲一班, 但班車22:42 0係名古屋開, 我0地22:40先0係名古屋站落車, 我0地拿拿臨勁走勁走咁走去轉車, 去到0既時候人0地已經響0左鐘, 好彩未閂門........... 只係0岩0岩趕到, 趕唔到都唔知點算, 呢班已經係尾班車~~~