←以 星 野 姬 為 首 的 日 本 Fans 每 年 八 月 六 日 都 會 替 錢 嘉 樂 、 李 修 賢 慶 祝 生 日 。

嘉樂日本 fans --- 星野姬(07/02/01)

(澬料來源﹕蘋果日報)
日 本 追 星 教 師 十 年 情 不 變

一個日本女仔，兩個香港男人 －－ 錢嘉樂、李修賢，本來毫無關係，就只因他們是她的偶像，每年八月六日，女孩都會放下一切，從老遠的日本四國，來港跟他們慶祝生日，十一年來從不間斷。假若那是自己的親人，你又能否做得到，能否像她那樣長情？

星野姬，在家鄉四國除了是一位教書老師外，還從事寫作及繪畫漫畫行業。她可以用流利的廣東話跟香港人溝通，亦可用純正的中文字跟中國人書信往還，她從來沒有上堂學習中文，一切都只從電影中學習得來。「追星」的後果，原來可以如此正面！

八 九 民 運 來 港 看 偶 像

這個「追星」故事就在八八年由一套電影《孔雀王子》開始。
「我自細就好鍾意畫漫畫，果陣我知道有一套港產片《孔雀王子》0係日本公映，呢套戲係改編自日本漫畫，所以我專程去捧場，也是我第一次睇港產片，才發覺原來好好睇。跟住那一套《蜀山》，更令我瘋狂愛上港產片。不但到戲院睇，也租錄影帶返屋企欣賞。

「0係一套《龍的心》裡面，我首次看到錢嘉樂，就瘋狂地迷上，亦發現左李修賢，覺得佢做正義警察好有型，於是就0係八九年七月，第一次飛0黎香港。當時正值有六四事件，成架飛機都冇乜人，係我搭咁耐飛機最冷清0既一次！

「好多朋友以為我成日0黎香港一定使好多錢，其實都係普普通通0者，機票就冇得走，至於住宿，我由第一次0黎香港開始，就住0係油麻地一間賓館，一晚都不過二、三百蚊。係日本漫畫界朋友介紹0既，呢間賓館近住廟街，交通都好方便，最好0既係佢唔理人數。我0地試過一間房住十二個女仔，佢0地都係日本影迷會 D Fans，慳番好多啦。而食我就好隨便，香港 D 0野咁平，周街都有得食，我識講識睇，都好方便。
「香港 D 朋友個個都估我上堂猛學中文，其實我真係冇上過正式0既課堂，全部靠睇港產片聽番0黎，所以我初初0既中文，0黎0黎去去都係有關差人、警察、打劫等，因為我睇0既多數係警匪片！睇得多又0黎得多香港，同香港人溝通多，就熟0左好多0羅，香港男仔好好架，乜都肯幫忙又教曉我好多0野。

急 不 及 待 藉 訪 問 捷 足 先 登

「香港，我渣住本《銀色世界》電影雜誌，照住電影公司電話打去搵佢，就係咁識左李修賢。我按地址走上去搵佢，佢見我係日本 Fans，都好客氣。識左李 Sir 之後，我年年都有0黎探佢；佢係八月六日生日，遇岩我間學校放緊暑假，我會預先安排好其他工作，就過同0黎佢慶祝生日。
「呢段時間，我一直都有追睇錢嘉樂0既戲，發覺佢愈0黎愈靚仔，好多日本女仔都開始注意佢，我好心急，硬住頭皮打電話去嘉樂0既公司，用日本小說家身分同佢做訪問，其實係覺得唔可以再等，驚俾其他日本女仔識左佢先！好彩，我終於0係嘉禾片場見到佢真人，開心得我兩晚訓唔著覺呀﹗

高 峰 期 一 年 來 港 九 次
「自從八九年迷上香港影星之後，我年年都會抽時間0黎香港，平均每年至少四、五次架，每次三、四日左右。而0黎得最密0既，就係九六年，因為香港面臨九七政治局面改變，我唔知九七之後重可唔可以0黎到香港。0個陣個個日本人都有呢個擔心，所以我要0黎番夠本，0個年我足足0黎0左香港九次咁多，打破左自己0既紀錄！
「九七政局轉變之後見冇乜影響，我就恢復正常，除0左八月我一定0黎香港之外，其他時間就視乎我0既工作情況而定，總之一有假我就會買機票0黎香港。由於咁0岩嘉樂同李 Sir 都係八月六日生日，我0係呢段時間一定放低手0既頭0既0野，香港同佢地慶祝0架！

港 男 太 恐 怖 都 係 李 Sir 好
「不過，由於發生0左兩件事，最近我對香港男仔0既觀感差0左好多。一次係0係九九年八月，我俾一個男人跟0左成半日，最後重話想同我做朋友，嚇到我面都青埋；而舊年0既一次影迷聚會內，我0係新城市廣場俾一個男人非禮幾次，佢趁住人多摸身摸勢，搞到我要報警。
「經過呢兩次之後，我對香港男士打晒折扣。以前我覺得佢地好好人，又溫柔體貼，但原來我身邊0既朋友以外，係有咁多衰人0架！前兩年我都有間中一個人上深圳玩0架，家陣我諗起都驚，唔敢再周圍去喇， D 男人太恐怖。
「始終都係李 Sir 佢0地最好，做戲同做人都係咁正義咁有原則，我就係鍾意佢0地呢 D 優點。
「我完全唔覺得自己係追明星，同其他『追星一族』相比，我係從一而終，冇變心0既。唔似得其他日本女仔咁，邊個紅邊個威就捧佢，我係有自己原則，我欣賞佢0地，將佢0地視作人生偶像，學習佢0地0既做人道理。好似佢0地從來唔輸畀人睇，呢樣0野我都學到足，可能好多時間會面對孤獨，但都要好堅強，做戲同現實生活都一樣0者！」

後 記
星野姬對偶像如此瘋狂，那麼會否動了真情，愛上他們？這個老師用堅定的語氣答：「不會。因為性格太相似喇，大家都係咁硬邦邦，冇紓緩空間，所以，將來搵對象，都唔會搵佢0地呢類型，理想同現實係唔同0既。」也許，正因理想與現實難以並存，即使她身邊不乏追求者，愛情路上仍是一片空白。