2001/06/26 PM9:20 今日無乜唔開心既野，不如講下我點解又寫翻依D野啦 其實係因為我突然之間有D好空虛，好孤獨既感覺 依D感覺唔係因為自己一個人好悶，無野做咁 就算係有人陪都一樣會有，只不過係少D有依D感覺 真係幾想知點解會咁，或者係得閒過頭掛，哈哈 不過我諗遲D應該唔會有野掛？！ 2001/06/27 PM3:16 頭先諗起一樣野，係咪落雨真係會影響人既情緒呢？？ 諗落又好似係，因為D人成日都話落雨唔知點咁 落雨真係咁悶？？落雨去唔到街？？ 雖然我自己都好唔鐘意落雨，但係都唔係想像中咁差 2001/06/28 PM11:24 今日先發現自己原來淨係識話人，唔識話自己 因為某D原因啦，聽日先話你知，哈哈 真係好對唔住平時成日都俾我話果個朋友，好對唔住呀！！ 2001/06/29 PM3:00 係咪好想知乜野原因，答案就係原來自己都係張D野收收埋埋 唔知有無人記得乜野係"Absolute Terror Field"？？ 中文應該係譯做絕對領域掛，係係一套叫做Evangelion既卡通片度講過既 如果我無記錯個意思應該係"心靈絕對不可侵犯領域" 或者世界上每一個人對有依樣野啦，如果唔係 點解要張D野收收埋埋呀，不過自己咪又係一樣 算啦，或者依個係一個俾自己既好好既藉口啦！！ 2001/06/30 PM11:55 今日又俾人話好人啦，我真係寧願佢話我係唔係人好過！！ 其實我覺得我真係唔係一個好既人，因為我自己係一個好自私既人 例如一D我鐘意既野如果我得唔到我都想其他人得唔到 而且如果我算係一個好人，咁依個世界就一定無壞人啦 因為我諗我都算係最壞個批啦！！ 2001/07/01 PM5:28 好倦好倦呀！！ 倦到成個人做乜都提唔起精神，連食都唔想食 可能係死既先兆掛，不過我都知道自己唔會好長命 哈哈哈 2001/07/03 AM10:08 唔好意思呀！！因為琴日部電腦俾人用左同埋自己又好倦 所以無Update到，不過琴日發生左一件事令到我更加相信 依個世界上係有"鬼神之說"依D野！！ 唔知大家又迷唔迷信呢？？ 2001/07/04 PM1:35 日日都咁倦都唔知自己仲乜事！？ 日日都同自己話去搵工，到最後都係無！？ 日日都話唔想食杯麵，到最後都係食杯麵！？ 日日都話想去街，到最後咪又係係屋企發呆！？ 日日都係咁，唔通我真係一個懶人！？ 2001/07/05 PM4:01 今日都可以算係最悶既一日啦！！ 所以都唔想講任何野啦，不過好想知道一D野 算啦，遲早都會知道，唉……… 2001/0707 PM8:05 唉……又一次唔記得Update 啦，唔好意思呀各位！！ 或者我承認我真係好倦啦，日日都無教好訓，哈哈，報應！！ 今日去左街街，不過係去左配野，真係悶！！ 10/10/2001 PM09:10 哈哈，估唔到自己連續兩日都無Update 唉，不過前日就好慘呀，係屋企整襯 算啦，仲有得行已經好好啦，哈哈！！ 順便係度希望一個朋友今日見果份工可以請佢啦， 因為我知道佢真係好想做，哈哈！！ 13/07/2001 PM07:29 唉，今日十三號，又唔記得update兩日 可能遲d會變成不定時update 今日發現左D野，就係如果一個人多心，咁果個人咪日日都好煩 日日都唔開心，其實諗落都幾傻，哈哈 反而我覺得一個簡簡單單既人就係最開心既人， 因為唔洗成日都諗野，哈哈 2001/07/20 PM04:26 真係唔明白自己點解可以咁樣，唔通我真係…… 我諗唔會係掛，不過真係好想知係唔係！？ 到依家都差唔多就黎放左一個月暑假啦，日日都好似係傻下傻下咁 真係估唔到自己會一年比一年懶，不過都好好架 因為唔洗受人氣，哈哈 不過如果依家有野俾我做我都想做，因為無錢嘛！！ 2001/07/27 PM09:55 原來真係人與人之間越少溝通或者見面會越黎越陌生 或者可能係因為習慣左掛，哈哈 其實我諗到依D野係因為今日有一個中三既同學打俾我 叫我聽日出黎食飯，大家已經三年無見架啦 不過唔知點解我無一種想見既感覺，或者一來少見啦 不過我覺得自己係唔知用乜野態度黎面對佢地，所以先唔想約出黎見 其實我咁樣做都唔知自己有無做錯 不過我都係唔想自己要有一種無形既壓力黎面對佢地！！ 2001/08/01 PM7:22 今日一起身個心突然間好痛，不過都係D乜野大件事 因為成日都有，只不過今日突特痛 仲有琴日隻腳都又再痛過，不過算啦，又係慣左 都唔知點解成日都係咁 或者自己真係時日無多啦，哈哈 2001/08/04 PM10:14 原來有好多野真係估都估唔到呀， 就好似咁都俾我知道原來有個朋友細個既時候係同我住埋係葵芳架 仲係同一個花園呀，不過座數就唔同啦，哈哈 仲有有一樣好好笑既野就係大家都鐘意去一間有一隻好隻馬係門口既茶樓呀，而且大家都鐘意食埋同一樣野，個樣就係雷沙湯丸啦，哈哈 不過果間茶樓已經唔同左啦 仲有一樣野呀，就係唔知點解我好好好開心呀 依件事其實我琴日已經知道，但係我到依家都仲有D開心呀！ 2001/08/09 AM11:10 近排入左一個教會，不過個教會就應該好少人入啦 因為個教會要人每日歌頌佢三次 每次五小時，雖然好過食藥，但係我都無做，哈哈 而且個教會裡面仲有一句幾特別既野 就係〝信EE得永生〞，依句係本來係教會暗語黎 不過我依家偷偷地話俾大家知，唔知邊個有緣人睇到呢？？ 不過一睇到個句野就知道本教既教主係邊個啦 哈哈哈哈哈哈哈哈哈！！ 2001/08/13 PM10:05 有陣時覺得做一隻毛公仔好過做一個人，因為毛公仔點都有一刻係佢個主仔鐘意嘛， 但係人就唔同啦，有D人表面上好似同你好好， 實際上其實好唔鐘意果個人，而且做毛公仔就算俾個主人唔要， 都只不過係一次過，但係人就唔同啦， 因為某D人可以同對其他人一時好好，一時又當佢係仇人咁， 同天氣現象無乜分別，難以估計。 仲有，毛公仔可以話係人都會鐘意佢，只不過係多定少， 但係人就唔得啦，哈哈哈哈！！ 2001/08/25 PM04:22 唔知你地有無聽個一個叫紙戒子既故事呢， 詳細既故仔我就唔係記得好清楚， 但係我就最記得其中之一段講一對情侶， 個女仔成日都羨慕其他人有白金戒子， 後來個男仔送左隻紙戒子俾個女仔， 之後可能個女仔唔想個男朋友係個窮人啦， 就同左第二個男仔結婚， 但係個女仔點都估唔到紙戒子裡面其實係一隻白金戒子， 之後個女仔既老公因為涉及犯罪D野就入左牢啦， 有一日個女仔突然撞翻個男仔， 佢見到個男仔都結左婚， 而且個男人既妻子手上面都係戴住一隻一模一樣既紙戒子， 所以佢仲覺得個男仔好窮，但係就覺得佢好幸福， 因為佢可以同佢鐘意既人一齊。 過了一排，個女仔係雜誌見到一篇文章個標題係紙戒子， 作者其實就係個男仔，佢睇完果篇野後，即係搵翻隻戒子黎睇 之後大家都應該知道點啦，不過個女仔就無同翻個男仔一齊， 因為佢已經結左婚嘛，但係個女仔就之後都有一直戴翻隻紙戒子。 其實我都唔知我係邊度睇依篇野啦，但係就俾D野令到我記得翻， 講真我真係覺得唔可以用一件事就覺得果個人係點樣， 因為有好多野其實係自己睇唔到既，就算其他人同你個想法一樣都唔可以就咁就覺得自己個諗法係正確， 而且仲有識得珍惜身邊一切既野，仲要識得惦記過去既一切，因為將來諗翻可能會有唔同既感覺， 唉……都唔知自己係度講緊D乜，所以當我無講過野啦，哈哈！！