Gharwiena s-sigra ssejjah in-nifs t'alla,
u jerga' jigi r-rih u jaqa' l-weraq.
Id-dmugh idub minn ghajnejk stalaktiti
jisqi 'l ruhek, hafja fil-memorji.
Tingazza l-ezistenza.
Mill-gerha twerzaq iqattar iz-zmien.
Intelqet gharwiena mal-hogor tat-tieqa,
gisimha jfuh bhal-lejl.
Staqsietni "X'baqa, issa?"
Fil-boghod inheba l-qamar
u dellha rega' tqal,
sthajjiltha dolomita.
In-niket, bhaz-zmien, mifrux mal-pjanura,
u x-xenqa bla nifs tixxabbat bla heda
ma' gismek silwettat, muntanja mxarrba.
Issejjah tinfetah bhal fjura l-passjoni,
u nergghu ninhabbu bil-qilla tax-xita.
Imbaghad il-mewt titbissem minn fuq xmara.
Bhar-ramel maqlugh, il-mewg tal-passjoni,
tixxabbat ruhi ma' gismek muntanja.
L-ghajnejn ma jarawx, l-idejn imqaddsa jhossu
ix-xita f'ghajnejk u r-rih li hu nifsek,
il-passi tax-xmajjar li sqewk, l-istennija.
Is-sentenzi taghna
bhall-fildiferru mqasqas.
Wara t-toqob tal-hadid neghmez biex nilmhek
imxebilka mal-frieghi Settembrini.
Il-bews ankrat f'haddejk
bhal pepprin mirfus,
inixxi d-demm.
Min jaf fihiex ugigh il-mewt wehidha
xhin tirmunkani 'l barra bla stedina
u d-dghajsa tieghi tghib taht xemx inutli?
Min jaf fihiex ugigh meta hwejjigha
jaqghu bhal-lejl fuq siggu vojt taht tieqa
u nhoss fil-kjaroskur spallejha mieghi?
Ma jkun difficli xejn imbaghad.
La tigi hdejk, haddejha tal-hadid,
u thoss is-sirda tistaqsik tirtira,
la hwejjigha tal-harir ikunu mdendla
fuq granpun mal-persjana,
u mbissma tistiednek iccedi,
ma jkun difficli xejn li tinhabb maghha.
Mahruqa bil-kubrit
is-sigar-skeletri qeghdin hemm.
Huma l-kuntratt taghna t-tnejn.
Jonqos biss
tghinni nrampel mill-giebja
l-merkurju tad-deni.
Mis-skiet t'ghajnejk
marsus mat-truf jaharqu
jinghasar f'demgha n-niket.
Iqattar fuqi dmughek
widien widien bhax-xemgha
jingasta
jingazza fija da' l-mumenti.
Lehnek il-libsa tieghi meta titfi,
fid-dlam ninkixfu t-tnejn ghax xejn ma nghidu
u bla ma jmissni lehnek, nisma' xorta.
Jizloq minn fuqi l-lejl bhal harir kiesah,
ghas-seba' darba m'hemmx irqad il-lejla,
sraqtuli llum ukoll il-holm, hadtuli,
biex issa lehnek biss il-libsa tieghi.
Ghax l-univers jizbroffa meta tolfoq,
u l-lava ta' qalb tbaqbaq, f'daqqa wahda,
tizzerzaq mal-muntanji ta' haddejk.
Mhux hela d-dmugh, meta tkun tfur bin-niket
u thalli l-ilma jigri bi protesta
u d-dlam itaffi l-gheja ta' ghajnejk.
Nezzajtni f'dan id-dlam
u biex ma bzajtx,
ma' haddejja ghera
delliktli mhabbtek.
U hadtli hwejgi u tlaqt
biex jien nibqa' hawn ankrat
nixtieqek bilfors.
Jghajjatli l-lejl u jkolli nisma' lehnu.
Is-sensi jitmattru bhal sigar eterni.
Torrenti ta' xewqat iroxxu fuqi
bhal nida ta' bilfors.
Ma' l-gheruq xjuh jingazzaw stalaktiti l-memorji,
kull qatra ttektikli trid tinfed iz-zmien.
Bhal forga tikwi jingastawk subghajja,
bhal forga li fejn tmiss ittebba' b'xewqa.
Fil-hofor ta' spallejk inferra' kliemi,
kaskati ta' niket bhax-xita.
I
Ridt inhoss ma' gismi
shanatek tonfoh fuqi
bhar-rih sahhar,
immissek, bi swaba mrieghda
niktiblek xewqati
fuq haddejk ghera.
II
Taht purtiera qasab, fil-kjaroskur nezzajtek.
Xewqati xpakkaw mac-cangatura,
minn ruhi nixxa d-demm
u xxarbet l-art.
III
Fit-tarf tal-blat
fejn jidher qisu fwar ir-raxx
tghattini b'xagharha.
"Hudni," tghidli.
U nsalpa nitlajja
ninkalja sax-xifer
u nerga'.
B'nifisha fwar taghmini
twerzaqli muta
ddub gor-raxx.
Kemm inti 'l boghod,
kemm jien vicin da'n-niket,
narak tirrecta hajtek.
Ghax nafek
nixlik li m'intx int,
ghax emmint fik
ma nemmnekx issa.
Delliktli ma' haddejja mhabbtek,
u sraqtli minn fommi l-holma
tqila daqs da'l-lejl infinit.
Izommok hdejja l-lejl,
u inti tisqini b'demaghtek bojod
is-soghba fuq haddejk,
il-weghda li ugigh aktar
m'hemmx.
Imma 'nfinit da'l-lejl
u int se tibqa' hawn,
mahbuba ta' bil-fors,
mitlufa tard wisq,
mitlufa ahna,
it-tnejn.
Imhabbtek kelma minn taht l-ilsien
tghix ghal mument u tisfa' skiet.
Imhabbtek harsa bhal ftila nar
tixghel haddejja mbaghad tintefa.
Imhabbtek ziffa bil-lejl fis-sajf
taghti ftit nifs u tmut ghajjiena.
Imhabbtek weggha tferili r-ruh
tisghob ghal ftit imbaghad tintesa.
Hemm bajja kollha dghajjes klandestini,
dghajjes muti jafu kollox
qed jistennew it-tama timla' l-qlugh.
Ankrati ma' l-ezistenza tqila,
joholmu li ga' telqu
ma' kull cafcifa.
Ma nafx x'se jgib dal-lejl;
forsi il-mewt, ghax dik biss fadal issa,
hi biss tibqa' hemm tistenna pacenzjuza
biex tidhol tinhabb mieghi meta nitfi,
xhin jaqa' d-dlam fl-ghajnejn u jisktu l-ilhna.
Ftit ftit qed tghib ir-ruh li xtaqet kollox,
m'ghadu jgib xejn il-lejl, mank holma wahda,
u flok nistrieh nistenna, bla tmiem, it-tmiem.
Qaddi ma' qaddejk,
riglejk jilaghbu bija,
tanbur fil-boghod u skiet,
tektik ta' zraben.
Tichadni, tistedinni,
isserrah harstek fuq spallejja,
tghattini b'xagharek riha ta' rih.
L'ghabex t'ghajnejk miksura
wegibli kollox,
m'ghadx hemm xi ssaqsi
u fil-ftit hin li fadal,
lanqas min tistenna.
Imm'ghidli biss ghalfejn
inhobbha u thobbni lura
din il-malinkonija.
Bhal mara facli,
tilqaghni s-solitudni ta' belt gdida.
Bi ksiehha settembrin tnezzaghni,
tifrixli xagharha bosk sabiex tahbini,
tisqini kull siegha d-dmugh, niket imbierek.
B'nifisha ssuqni fuq xmajjar go l-gholjiet,
turini gmielha sieket u tehodni,
taghmilni taghha bla ssaqsini.
Ghajnejk bhall-weraq qodma ta' harifa,
kliem miknusin mal-genb, hela ta' mhabba.
Mistoqsijiet li ma jwegbux x'hin nirfes
b'gharqubi tqal fuq il-moghdija ratba,
tqal ix-xewqat, u ma jisqix dan l-ilma.
Toroq ma jaghtu ghal imkien hajjitna,
bhal holm li gie mahsud qabel ma sebah,
memorji mormijin fi gzuz li z-zmien harbathom.
Toroq ma jiltaqghu imkien hajjitna,
sentenzi fgati f'fommi, u mank kelma,
imqar il-lejla biss, m'inti qed tisma'.
30.11.2006.
Rabbejt, bhal-lava ta' vulkan, go fija,
hofriet mitqala b'dwejjaq minghajr forma.
Minn meta mhabbtek birdet u ssoktajt
bhal qabel l-istess vjagg, garrejtek mieghi
bhal drabi ohra. U issa li m'intx hawn,
jizbroffa d-dmugh biex kollox jerga' jibda.
Garachico, 25.12.2008.
Hitan li ma tkellmux u semghu kollox.
Maghhom wehlu bhat-trab harsitna cassi,
intisgu bhall-ghanqbut sighat mohlija,
id-dubji ta' min stenna ssehh xi haga.
Kif ridna li jitrabba l-ward jekk zrajna
fil-guf ta' l-art, xhin ma ra hadd, il-gidba ?
L-imhabba keccejniha w raqdet barra
u ghalaqnielha l-bieb. U ma giex f'rasna:
la jasal zmien il-hsad hurrieq se nahsdu.
Los Christianos, 02.01.2009.
Il-fjuri tal-bukkett ghalik zammejthom,
tajthomlok kollha kliemi imma fommok
mitbuq bhall oqbra. U l-qabar l-aghar sentenza,
jistiednek ma tinsiex bla jkellmek lura.
Bhal f'sodda ma sserrahx nimtedd fi hdanu
biz-zkuk minn dal-bukkett kuruna f'rasi.
Los Christianos, 03.01.2009.