Posted by Tuai on December 14, 1999 at 10:56:48:
TUAI
Umur - pinta kitai panjai tang takut ke diri tuai. Gamal
majak jai sejai. Pala lalak-selalak. Tulang lemi-selemi. Kulit nyau
kedut-sekedut. Maia biak bau Drakkar, nyau tuai bau kaka. Maia tengan umur,
ngintu anak lalu udah nyau tuai minta intu anak. Apai-indai jarang bendar ke
enggai ngintu anak. Tang sekeda bala anak, enda teintu ke apai-indai. Anak bisi
nya lima enam iko, tang enda teintu ke apai-indai dua iko.
Ditu aku mai kita macha enggau belubah cherita di baroh ditu.......
TIKAI KE INDAI
Bisi indai tuai siko. Diau enggau anak iya. Minta ibun anak
meh laban ke nadai ulih ngidup ke diri agi. Laban nyau tuai.Bejalai gio-gio.
Jari getar-getar.
Maia makai, endang dudi badu laban ngeli nyau nadai. Enda ulih makai nge-nyampat urang bukai. Meja endor makai endang selalu kamah laban leka asi ti selalu laboh ari pinggai. Ai selalu naya laban jari nyau enda steady baka maia agi biak suba.
Dia bala menantu selalu ringat. Selalu ngeransek. Laban utai maioh di intu. Nyau lebih agi ari ngintu anak mit. Menantu enggau anak iya pen berandau. Seduai setuju ngasoh indai tuai nya makai kediri. Ba baroh. Ba tikai mit siti. Ngambi senang di intu. Enti gelas tumbang, enda laboh, enda pechah.
Berengkah ari nya, indai tuai nya makai kediri. Makai ba baroh. Ba tikai mit. Nadai urang enggau makai. Bala anak enggau menantu makai ba meja meh urang. Tusah meh ati iya. Tang nadai daya madah. Takut ke anak enggai ngibun. Kadang-kadang nyabak meh, ngasai ke diri enda tentu di kiboh ke urang.
Enggau sida dia bisi uchu iya. Agi mit, bedau sekula. Nya ke selalu enggau indai tuai nya. Ari siti, leboh maia sida makai, anak mit nya kiroh bemain. Ukai tentu bemain. Tang bayam daun kelapa. Di anyam iya baka tikai. Apai iya lalu nanya, "Kapa nuan nge-anyam tikai nya, anak?"
Anak mit nya lalu nyaut, "Deka digaga ke aku ke tikai mit siti. Ngambi ke bisi alai seduai indai makai, maia seduai udah tuai baka Ini!"
JAKO LALAU
Manah meh enggau urang ke tuai laban kitai will definitely be
tuai, or be in the same situation and always do to others what you want them to
do to you.
Mupok aku, enda lama.
Nemuai ngagai ruai aku di
www.geocities.com/uthan.geo
Post a Response (Note : You are allowed to change the subject) :