Meransang Apai-Indai Nembiak

di

Nanga Belaie, Skrang

Bejako ba mua maioh, lemai 25/4/04 di rumah panjai  Nanga Belaie, Skrang, ngelalau sereta bebagi ke penemu pasal sekula enggau pengidup

Batang penemu ke dipadah nya

  • Ngintu urang tuai enggau ngibun apai-indai
  • Bebasa ke pengarap tauka ugama ti dikembuan siko-siko mensia
  • Nyukong anak ke sekula ngena jalai mandang ke pengiroh enggau pengiboh.
  • Minta sida ngaga education corner, komiti sekula enggau tabong sekula.
  • Minta sida urong menua nya ngintu Gawai Dayak ngena jalai begempong - segulai sejalai ngintu Gawai Dayak.
Pengudah meri jako lalau, bebagi ke penemu, aku nerima terabai ari Rumah Belaie, kira ke nyadi ke dinding bulu, dinding pengerai. Meri besai terimakasih ke sida serumah.
Randau ruai disambong ngagai kerangan. Di kerangan, kami berandau enggau nyentok agi ti alai aku berandau tanya-saut enggau sida serumah.
Nyau muak ke pagi, kira jam 1 pagi, bala kami nunu babi di kerangan. Nya ngujong ke aku enggau sekeda, terus nindok ke diri di kerangan, betilam ke kerangan. Memua ke kelia maia dibai sida apai ngibun ikan ngaban. Jenak ga tindok - nadai nyamuk nadai kerengit.

"Agi Enchelak, Agi Bebatak"

1