Ireo Filoham-pirenena telo

Tamin-dRatsiraka mbola filoham-pirenena hono no nitrangan'ny tantara. Fantatsika moa fa isaky ny misy mitsidika i lafrantsa dia tsy maintsy aderadera foana ny Tour Eiffel, ka raha nandalo tao Parisy hono i Ratsiraka sy i Georges Bush dia nentin'i Mitterrand (tahio izy fa lasan-ko razana) nandalo teo alohan'ny Tour Eiffel sady hoy izy tamin'ireto vahininy:

- Izany no Tour Eiffel izany! Izany!

Dia tonga tany USA indray hono i Ratsiraka sy i Mitterrand ary nentin'i Georges Bush nandalo ny Statut de la Liberte, ka hoy indrindra izy:

- Izany no Statut de la Liberte izany! Izany!
Jereon'ialahy tsara ry Francois!

Nony tonga tany Madagasikara amin'izay hono i Georges Bush sy i Mitterrand dia sahiran-tsaina mafy i Ratsiraka fa tsy hitany izay haseho. Nentin-dRatsiraka nitety an'Antananarivo ville hono ireto vahiny, tena tsy hitan-dRatsiraka mihitsy izay holazaina hasetriny ny Tour Eiffel sy ny Statut de la Liberte. Kinanjo nony nandalo ny CitEs Ampefiloha ka hiazo ny ranon'Anosy iny dia samy taitra na i Mitterrand na i Georges Bush raha nahita ny fijoalajoalan'i Madagascar HILTON ka vaky vava sy niara-nanao tamin-dRatsiraka hoe:

- Hay ve aty aminareo koa mba misy an'itony e?

Fa namaly hono i Ratsiraka:

- Inona kay?

Georges B. sy i Francois M.:

- Itony trano mijoalajoala itony e!

Ratsiraka, sady nitoditodika:

- Aiza izany?

Georges B. sy i Francois M.:

- Io e! sady notondrioiny ny HILTON.

Ratsiraka, mody calme be ny lehilahy:

- Hay ve e! Omaly aho nandalo teto mbola
tsy teo io!".