Número 13 che regimiento
tamoñarõmente ojekuaa.
Fortín Nanawa che campamento
la muralla viva oje'eha.

Tahupimi mano a la visera
ha tambojoja che mbarakami,
amongaraívo Nanawa trinchera
taropurahéi 13 Tujuti.

Aropurahéita Regimiento 13
Nanawa de gloria jeroviahaite
ha ityvyra'i, Regimiento Siete,
la Muralla Viva mopu'ãhare.

Ro'atamahágui tesaraietépe
peteî ko'ême roñeñanduka
roheja haguã ore ra'yrépe
pedestal de gloria omaña haguã.

Ore avei paraguaietéva
soldado ja'érõ urunde'ymi,
ndaha'eivoínte rojalabaséva
ndoroikotevêi ñererochichî.

Mi comando Irra hendive Brizuela,
mokõive voi añambaraka,
ha el león chaqueño ijykerekuéra,
mayor Caballero, ore ruvicha.

Cachorro de tigre suele ser overo,
macho ra'ýre machito jevy,
oime ikuatiápe 20 de enero
peneñongatu peê mbohapy.

Oimevevaerã ku ore raperãme,
orera'arõvo laurelty porã
ojupi haguã umíva ru'ãme
Regimiento 13 oñekuãmbopu.

Modelo ore pópe "Tujuti" ore réra,
mitã'i pyatã lampinokuete
guyra ha yvytu oñesûpehêva
ore rovasávo ohasa jave.

Oikove pukúva mante ohechapáne,
Regimiento 13 rapykue reta,
ha letra de óropema ojeguáne
historia pyahu ko'êramogua.

Reínte Boliva heko ensuguýva,
ndohechamo'ãi y Paraguay.
oî haperãme ipopîa rasýva
Regimiento 13 kavichu pochy.

Kundt ko oimo'ãnte iñepyrûrõ
ojuhúta ápe pire pererî
ha ojetîjoka gringo tuja výro
Nanawa rokême ojoso itî.

Oguahê jave veinte de enero,
iko'êha ára viernes rovasy
ohua'î va'ekue a sangre y fuego
oikepávo ápe Ña Boli memby.

Ko'etî guive ore retén dos-pe
Kundt rembijokuái ndikatúi oike
osêgui hapépe Rodolfito López,
mboka'i ratápe ohovapete.

Umi ciento cinco ipu apenóva
mbohapy hendáguio ihu'u tata,
jehechapyrãmi tatatî ojapóva
ñu ha ka'aguy osununumba.

Ñahendurõ hína guyryry oikóva
ndaja'éi voi jaikovetaha
ndaipóri rupi ipy'apopóva,
tape ndojuhúi tembiguái ava.

Ipyahê cañón ndosovéi metralla,
jáma mboka'i ha yvate avión
ha ni upevére ndoku'éi muralla
omoî vaekue Quinta División.

Ñane tî ko'õ oúvo yvytúre
cañón ha mboka ratatînengue
ha ojo'ari jahecha pe ñure
inevu jo'a Boli re'ongue.

Ava'i akãngue ko'ápe ha pépe,
akãverakuéra omosarambi,
a lo chirkaty machete haimbépe
ikokuépe guáicha lo mitã okopi.

Péichane voi aipo aña retãme
la mba'e pochy ifunción jave.
Ohecha ohendúva mante ogueroviáne
Nanawa de Gloria farra karape.

Otro pito pu Nanawa de Gloria,
héra opytáma mandu'arãmi,
oescribichupe ipyahúva historia
tamoñarõkuéra 13 Tujuti.

Tuguy eta apytépe ou la victoria
Regimiento 13 pe opukavymi
ãga ikatúma he'i la historia:
ndopamo'ãiha raza guarani.

Ha tañecuadra la mano a la visera
ha tamondoho che puraheimi,
amongaraíma Nanawa trinchera
ha che Regimiento 13 Tujuti.

Fortín Nanawa, che campamento,
la heroica Quinta, che división
número 13 che regimiento
ha solito el Uno che batallón.