Tekove vai ndajeko hosãva
  ha upére ha'e anga namanói
  Chacore he'i che irungue ohasáva
  ndéje haimete ndachera'arõi.

  Karia'y ñaña nemomorãséva
  je oguahê nde rópe ka'aru pytû
  ndéje haimete remombo che réra
  ha remondoho ñane mborayhu.

  Nanemandu'áipa ra'e upépe
  ku pyharevépe santomi rovái
  Eréramo chéve nde páy ha nde képe
  nde rekoviarã ndajuhu vaerãi.

  Ha upe ne ñe'ê ahypÿi ysapýpe
  ha che corazõme aipyhy añotÿ
  araha che pýri ñu ha ka'aguýre
  ha ãga ajerévo ajuhu ipoty.

  Kóina rojuhu jepivérõ guáicha
  rasa nde rory ha akói cherayhu
  ha ere aipo jaguápe nde reikuaaháicha
  oumaha ijára anive oguahu.

  Opáma la guerra haime ndaroviái
  ha ñaime jevýma ñane oñondive
  ñande rogamíme santomi rovái
  ñañopê ojuehe ñane mborayhu.

       Letra: Félix Fernàndez
       Música: Agustin Barboza