唔迫安仔Sammi同場夠老友
吳國敬個唱買飛搭豬骨

蘋果日報  2003年5月30日(星期五)

吳國敬即將在紅館舉行演唱會，他近日與食肆合作促銷門票，觀眾可用其演唱會門票的票尾換取豬骨煲，聽完歌又可大快朵頤。吳國敬又安排過氣情侶許志安和鄭秀文分開演出，避免同場尷尬，認真老友。

經濟不景，演唱會也要變通，與食肆合作促銷門票，吳國敬將於下月十日開始在紅館舉行兩場「好友敬Kings Live 2003」演唱會，昨日與徒弟吳展濠於黃埔至尊豬骨食府舉行記者會。
吳國敬表示，觀眾可憑其演唱會三百八十元門票的票尾一張，或二百元門票的票尾兩張，免費換領該店的豬骨煲一客。吳國敬昨日更即場示範斬豬骨，卻表現得雞手鴨腳，十分搞笑。
吳國敬近日積極為演唱會排練，而他的一眾好友如許志安、鄭秀文（Sammi）、張衞健和蘇永康等，將分別擔任兩場演唱會的嘉賓。過氣情侶安仔和Sammi在吳國敬的安排下，將不會同日演出。

未有特別要求
問吳國敬是否避免安仔和Sammi見面尷尬而作出這個安排？他說：「唔關佢哋事，我唔鍾意安排佢哋一齊唱，佢哋嚟得幫手就唔會怕尷尬，佢哋亦重未有特別要求，遲啲佢哋都會去綵排。」
另外，有報道指陳慧琳（Kelly）不滿Sammi在《1:99音樂會》中，被安排與劉德華演出，Kelly則與人氣下跌的郭富城合唱。

幫Kelly講好話
吳國敬對此說：「個個都係為做善事而去，只係當日音響有啲問題，佢（Kelly）好緊張自己o既表現，所以先有少少緊張，都唔係發脾氣。呢啲絕對係謠言，廢話！」

採訪、攝影：王連連