兩間公司搶人  吊高黎賣
許志安跳草裙舞  辣興M8

蘋果日報  2003年5月14日(星期三)

許志安本周正式約滿黃柏高的「金牌經理人」公司，雖然有傳他以三千萬高價轉投新公司M8，但因正東近日突以程咬金姿態重金挖角，安仔即時左右逢源大跳草裙舞，此舉令M8大表不滿。

許志安與經理人黃柏高（Paco）合作多年，Paco除為「金牌經理人」公司老闆外，亦是安仔所屬的正東唱片前[才查]弗人，但隨著安仔本周與Paco約滿後，近期已不斷盛傳他會以三千萬高價，賣身M8兩年。

電影電視劇揹飛
本來安仔在口頭上已答允簽約，而M8除了承諾在七月開拍的港版《Sex And The City》（暫名《活色生香》）一片中，由安仔擔演主角外，M8亦安排安仔於年尾拍攝的電視劇中揹飛。不過在只欠動筆的情況下，卻突然殺出正東這個程咬金。正東目前正籌備於三個月後成立經理人部門公司，近日他們出動銀彈攻勢利誘安仔簽約。
現時安仔尚欠正東三張唱片約，但他既想做好唱片，又想在演戲方面有代表作，於是便不斷拉攏兩間公司合作，但安仔對M8已一拖再拖，令M8覺得他跳草裙舞。

「佢到依家都拖住」
M8主席戴榮添日前被問到安仔是否因獲兩間公司爭奪經理人合約而跳草裙舞時，他說：「係有啲唔高興架，我同佢傾咗三個月，開出好高O既價錢，畀佢喺七月開o既電影同年尾開o既電視劇入面做主角，但佢到依家都拖住。」
未知安仔會否因跳草裙舞而開天索價？戴榮添說：「佢就以靜制動，我知正東都將價錢拉到好高，本來喺口頭上已經應承咗簽約，但某程度上佢一日未簽約，一日都未落實o既，我哋會畀多一、兩個禮拜時間佢，如果佢再拖，我哋只好考慮將部電影易角。」問到M8與正東是否曾斟洽共同擁有安仔經理人合約時，他說：「係有咁傾過吓，但傾唔埋欄。」
不過，據悉安仔正積極游說兩間公司合作，如無意外的話，M8與正東各持安仔一半經理人合約的成數應極高。
記者昨日致電正東唱片部副總經理何哲圖，他承認正東曾與安仔洽談經理人合約，他說：「首先做好唱片，因經理人部門重未成立，但我哋好有興趣亦好有信心傾到安仔o既經理人合約。」

採訪：朱芷瑩

許志安近日同時成為M8及正東的爭奪目標。


許志安與黃柏高已合作多年。資料圖片