許志安

被屈泰國治情傷
許志安：好彩冇話我𠍇鬼妹！

太陽報 2002年12月3日(星期二)

許志安與鄭秀文被傳分手後，有指他難忍失戀之痛與好友往泰國散心，不過安仔卻極力否認，還抵死說：「好彩當時身邊冇鬼妹喺度，如果唔係大字標題話『安仔泰國治情傷𠍇鬼妹』！」

許志女近日被傳與鄭秀文的十二年感情玩完，並指安仔為此而往泰國散心治情傷，更被傳媒拍下他在泳池的激凸相片。前晚安仔出席《TVB8頻道頒獎禮》時回應說：「見到自己簕相都好尷尬，我都唔知有記者喺度影，其實我當時著黃色泳褲，白色泳褲都冇信心著啦！（話你治情傷喎！）唔係治情傷，因為我開演唱會前應承過請健仔佢哋去泰國玩，怪就怪自己公開向傳媒講去布吉，好遺憾冇晒私人空間，好彩當時身邊冇鬼妹喺度，如果唔係實大字標題話『安仔泰國治情傷𠍇鬼妹』。」

拒談與Sammi感情
至於現時他與Sammi的感情狀況，安仔則以不願多談的態度說：「唔答，感情事一向都唔答，大家都知蕂！（報道話你好愁、心情煩躁？）太陽曬梗係皺眉啦！呢個行程我好開心。」

對於有傳無線想撮合安仔與Sammi，因此在去年同獲無線的最受歡迎男、女歌手，安仔聞言後即說：「睇完呢段報道係最唔開心，對我o既努力、唱片公司、歌迷好唔公平，同埋之前話我同健仔個契妹，真係唔好意思，因為佢唔係呢個圈。」對於Sammi日前接受訪問時曾說「永遠多謝你」，安仔則沒有作任何回應。

Bobby爆分手純屬搞笑
而日前好友歐陽震華踢爆他與Sammi分手，安仔笑說：「我有睇，佢一向都好好笑，我同佢老婆一齊，乜你哋唔知咩！（咁講怕唔怕Bobby介意？）佢一定唔介意，咪當我教訓佢，畀佢一個懲罰。」

另外，蘇永康在頒獎上，被司儀問及何為性感，康仔即望住台下的安仔笑說：「著住泳褲喺沙灘咪最性感囉！」事後康仔表示：「我睇完篇報道足足笑咗兩個鐘。」

安仔被傳與Sammi分手，在泰國治情傷，他否認此事，並覺得很搞笑。