又擺Sammi上枱好悶呀！
安仔紋身露底色誘Fans

蘋果日報  2002年11月16日(星期六)

許志安前晚在紅館開個唱，除赤裸上身露出背部紋身外，繼上次演唱會露T-back內褲後，今次他又穿著透視褲及穿窿長褲，大露底橫色誘Fans。安仔還在個唱上播出早前的「廚房宣言」及Sammi落淚片段，重提二人感情事。

許志安前晚在紅館舉行首場《許志安On Show2002演唱會》，安仔的戰衣大膽前衞，繼上年演唱會露出T-back內褲後，前晚他分別穿上透視及穿窿長褲，特意露出深色及白色內褲，看來他十分喜愛露底橫。安仔更在台上赤裸上身，大騷畫了六小時的女性面孔紋身，展示其男性魅力。

安仔在個唱上又穿了一件十字架圖案上衣，十字架跨過褲檔。他說：「好彩有條帶遮住褲鏈，原來我冇拉拉鏈。之前開咁多演唱會，冇晒刺激，今晚要犀利啲，我係安全地大膽。

播「廚房宣言」
每次安仔舉行個唱，歌迷例必大叫「Sammi」（鄭秀文），安仔忍不住說：「好心你哋啦，out晒啦，重講埋啲咁o既名。」後來，螢幕播放了安仔首次奪「最受歡迎男歌手獎」時的「廚房宣言」及鄭秀文在台下痛哭的片段，他隨即唱《愛你》，有歌迷感動流淚，亦有歌迷大叫：「好長氣呀！」

安仔又說：「一時話我分手，一星期後又話我復合，我今日未睇報紙，唔知係咪復合咗。」最後安仔讓觀眾點唱，不少歌迷乘機點唱Sammi歌曲，安仔起初說：「咁你即係為難我啫！」但最後他亦唱了Sammi的《終身美麗》。

台下避談情事
事後安仔接受訪問提到「廚房宣言」，他說：「係呀，好感動，始終係我第一次。」問到說Sammi好out是否意指二人感情已逝？安仔說：「唔好講呢啲啦，我係話觀眾成日喺演唱會嗌佢個名，out咗咋。」問到Sammi會否捧場，安仔說：「睇佢有冇時間啦。」

前晚當安仔與歌迷握手時，險些跌倒，幸沒有受傷。另外，除安仔父親到場支持外，其好友梅艷芳及蘇永康等亦有捧場，鄧健泓則擔任表演嘉賓。

最鍾意「幽媾」
近來坊間喜歡以「媾」及「界」來形容男歡女愛，許志安前晚在個唱上向觀眾解釋媾及界的意思。安仔提到年初有報道指他趁Sammi出外公幹，與一女伴在街頭濕吻一事，他說：「啲傳媒用媾同界都唔好，我翻查過唐滌生o既《牡丹亭驚夢》o既其中一段，講一個女鬼媾男仔，人哋係寫幽媾，意思好優美、華麗，如果用單字一個媾，就有交合o既意思，所以唔該下次寫我就用幽媾。」

界字有攻擊性
安仔續說：「重有個界字係有攻擊性o既，個邊有把刀，唔通我拖女仔出街重劏佢死牛咩，下次一係寫炸、爆或者灼呀，好恐怖呀。不過，好多謝傳媒，每次喺我感情迷糊時，都用感情事件簿嚟提醒我。以前有陳欣健，2002年又有同性戀。」

採訪：王連連　攝影：陳偉權

我白到嘩嘩聲！
安仔穿上穿窿長褲露出白色底橫，並謂此乃設計特色。

安仔騎著鬥牛唱歌，觀眾興奮狂叫。