肥姐力證Sammi非同性戀

東方日報  2002年10月11日(星期五)

鄭秀文再度被報道與同性好友夜會，她的好友許志安昨日接受沈殿霞主持的節目「掌聲的背後」訪問，即成為記者追訪對象，他以從容不迫態度面對。

記者問許志安對報道鄭秀文同性戀點睇？他只說：「咩事呀！好正常啫！」

問他會否怕報道影響鄭秀文形象？他竟傻笑起來說：「我都係唔同Dicky（張衞健）行咁埋。咁低能，我真係唔識點答。（係咪覺得話Sammi係同性戀冇可能？）黐線！」

以許志安與鄭秀文的「好友」關係，他應該最清楚Sammi有沒有這方面傾向，許志安說：「覺唔覺得我有咁o既傾向吖？飲杯嘢，整親趾公都嚟搵我，咁正常o既社交活動都嚟問我，真係唔知點答。」

否認與鄭秀文分手
沈殿霞亦隨即來為許志安解圍說：「問Sammi係咪同性戀呢樣嘢我可以幫佢答唔係，我夠多姊妹啦！私人時間啲記者都影相，搞到我都唔敢去探羅記呀！」肥姐在節目中，更單刀直入問安仔跟Sammi是否已分手，安仔亦毫不忸怩的說：「唔係！」安仔坦言：「呢十年Sammi對我喺工作上有好大影響，我哋互相扶持，有時Sammi更會令我搏命鞭策自己去努力。」

	安仔直斥報道Sammi同性戀乃「低能」！
安仔昨日接受肥姐新節目訪問，話題離不開鄭秀文。