auf da kreizung
ihr käfalenkrad halt die tant
in jeda manikürten hand
die nase pickt vurn an dea scheibe
wie es sich gehört beim weibe
am gaspedal da stöcklschuah
so foahrt sie auf die kreizung zua
tuat die ampl grünlich blinzln
härt man glei die bremsn winsln
faungt sie scho an einzuschleifn
mocht an stop am zebrastreifn
kummt si net in urdnung vur
also wüll sie glei retur
wos inzwischn net mehr geht
wal a omnibus duat steht
und dann kumman de passantn
de segn rot bei sulche tantn
a marktfrau mit an korb vull eia
zagt ihr einen lämmageia
a andra hatschata mit kruckn
wüll ihr aufn kühla spuckn
und a boartata mit kind
sogt daß eh a jeda spinnt
dea autofohrt doch diesa fall
ghörat längst auf den zentral
sowos is net die feine oart
do kriagt die tante freie foahrt
sie wüll schnell weg i kanns vastehn
sie scholt die dritte aus vasehn
gibt gas I BIN NET REIF FÜRS GRAAB
und dann stirbt da motor aab
sie hört sie nicht die hupmusik
sie find die erste noch mit glick
sie startet an in höchsta not
und dann is die ampl rot
von Herms Fritz
|
