Молитва об избавлении Русскаго народа.

     Господи Боже сил, Боже спасения нашего, Боже творяй чудеса. Един, призри
в милости и щедротах на смиренныя рабы Твоя и человеколюбно услыши и помилуй
нас: се бо врази наши собрашася на ны, воеже погубити нас и разорити святыни
наша. Ты же , вся ведый, веси яко неправедно воссташа на ны. Темже грешнии и
недостойнии в покаянии со слезами молим тя: помози нам, Боже, Спасителю наш,
и избави нас славы ради имени Твоего, да не когда рекут врази наши: Бог
оставил еси их, и несть избавляяй и спасаяй их.

      Ей, Господи Боже, Спасителю наш, крепосте, и упование, и заступление
наше, вемы яко праведным судом Твоим навел еси на ны скорбь сию грех ради
наших , но ты пришедый в мир грешныя спасти, не помяни беззаконий и неправд
людей Твоих, и в милости и щедротах Твоих посети смиренныя рабы Твоя, ко
Твоему благоутробию припадающия, и суд об Отечестве нашем на милость преложи:
восстани в помощь нашу и воздвигни нам мужей силы и разума воеже извести нас
из рабства, и подаждь подъяремному народу Русскому, страждущему от тлетворнаго
ига супостат наших , татей, убийц и разбойников, безстудно соуз с диаволом
сложивших воеже завладети всем достоянием Твоим и погубити е, без брани
от ига их избавитися; аще
же судил еси чрез брань сему совершитися, даждь народу Русскому в брани
сей поможение, и на враги победу и одоление даруй: да постыдятся и посра-
мятся вси злочестивыя и иноплеменныя враги и супостаты, и дерзость их да
сокрушится, да познают вси супостаты наши яко с нами Бог и святии Ангели
Его; а Русским людям Твоим, имже судил. еси положити на брани души своя,
тем прости согрешения их, и в день праведнаго воздаяния Твоего воздай вен-
щд нетления. Ты бо еси заступление, и победа, и спасение уповающим на Тя,
и Тебе славу возсылаем, Отцу, и Сыну, и Святому Духу, ныне и присно и во-
веки веков, аминь.