Usa ka drayber ang giaresto sa polis kay nakalapas kini sa trapiko.

Polis : Lisensya!

Drayber : Unsa may akong violation, Sir?

Polis : Miparking ka bisag adunay karatula nga NO PARKING.

Ug dayon gikuha sa polis ang lisensya ug iyang gimandoan ang drayber sa

pagbalhin sa sakyanan sa pikas kanto diin nahimutang ang parkingan apan

midumili kini.

Drayber : Dili mahimo nga padaganon nako ang sakyanan basin unyag

dakpon na pod ko nimo ug driving without license.

Ug giuli pagbalik sa polis ang lisensya. Ug sa pagbalhin sa

drayber sa sakyanan, dihadiha gikuha na usab sa polis ang iyang

lisensya apan wala na kini niya ihatag.

Drayber : O, nganog kuhaon man nimo ang lisensya nga maayo na man

nakong pagka parking?

Jun (naggunit sa lata) : Kining 'pork and beans' maayo pay 'beans and

beans' ang gingalan niini. Aduna man tuoy baboy pero usa ra sad ka

hiwa.

Ian : Gikeha baya na sa una kay mao lagi na...

Jun : Unya midaog ang nagkeha?

Ian : Wa gyod hinuon kay mao bitaw kuno nang ginganlan ra nila

ug 'pork and beans,' dili 'porks and beans'!

Napanid-an sa asawa nga kusog nang mokaon ug sud-ang baboy ang iyang

bana. Iya kining gipahimangnoan.

Asawa: Hala gyod, mahayblad gani ka niana...

Bana: A tuo man. Wa gani mahayblad nang baboy nga unay sa tambok!

Samtang naglingkod ubos sa landong sa akasya sa Plaza Independencia,

giduol si Duke sa usa ka seksing namaligya ug mani.

Seksi : Mangga Sir?

Duke (Nahibulong) : Unsa goy mangga? Nga mani man kanang dala mo, Day?

Gibutang sa seksi ang hapag nga iyang gilukdo didto sa daplin, ug unya

mitupad kini paglingkod kang Duke nga mapahiyomon.

Seksi : Manggamit ba Sir!

Ug nagkinataw-anay ang duha nga kalit lang nawala sa ilang

nahimutangan. Nianang pagka ugma, sa mao gihapong dapit didto na usab

si Duk ug giduol na usab siya sa mao gihapong babaye...

Seksi : Mani, Sir.

Duke (Miyahat) : Unsa goy mani... nga mangga man nang gidala mo, Day?

Seksi : Maningil ba, Sir!

Untop alas diyes sa buntag, samtang nagpasabak ang anak-babaye

sa iyang amahan nga naglingkod sa sopa taliwala sa ilang sala,

nangutana ang bata.

Anak: Pa, nganong whiteheill man ang gingalan ning dapit nga

Amahan: Tungod kay kining bungtod nga gitarokan sa mga balay

dinhi, Day, and kolor lubos man puti. Mao na gra gitawag ug

whitehills -- puti nga bungtod.

Anak: (May nahinumdoman) Ah bantog ra kagabii samtang naghigda

ko tupad sa kuwarto ninyo ni Mommy, mihagawhaw ka sa pag-ingon: "Wow,

whitehills!".

Amahan (nahibulong) : Wa man ko mouli sa ato kagabii, Day.

(Unya giganoy sa lawom nga paghinuktok. Ug kalit lang

milingolingo.) Buanga no? Abot diay akonh hagawhaw dinhi sa ato?

MOAPIL GIHAPON

Sa miaging Palarong Panlalawigan didto sa dakbayan sa Tagbilaran,

si Ekboy usa sa mga entrante sa lumba sa dagan. Sa wala pa

magsugod ang lumba gisultihan si Ekboy sa iyang coach nga

pakanunayon ug praktis apan sukwahi kay wala man siya mosanong sa

gitudlo kaniya sa coach ug naghuboghubog na man hinuon siya.

Sa pag-abot na sa adlaw sa pagdula...

Coach (naglagot): Di ko na ikaw paapilon, Ekboy!

Ekboy (naguol) : Na, kinsa na man lay mapilde, Sir, kno wa na ko?

KON MAOY PALAD

Timo: Pre, nakahunahuna ko nga mangasawa pag-usab.

Bito: Yuna pa, Pre, pila na bay edad mo karon?

Timo: Mag-otsentay tres na karong sunod bulan, Pre.

Bito: Ug pila man say edad sa imong pangasaw-onon?

Timo: Running twenty three na siya, Pre.

Bito: Sus, Pre, wa ka ba maghunahuna nga kadako sa gintang sa

inyong edad, mahimong makamatay ang pakigminyo?

Timo: Ah, tuo man ka ana, Pre. Kon maoy pagbuot sa Ginoo nga

mamatay ang akong maasawa, mamatay gyod siya!

Source: Bisaya Magazine

| MAIN PAGE |