La Caleya

Artículu 1^u. Denominación

L’asociación denominaráse oficialmente:

"La Caleya. Conceyu de falantes y amigos del Astur llionés", y abreviadamente: "La Caleya".

Artículu 2^u. Oxetivos

1. L’Asociación tendrá por envís cimeru llevar a la cai una actitú positiva de respetu y avaloración de tola nuesa cultura tradicional y autóctona, incluyendo la llengua como un aspeutu cimeru d’ella.

Cuidamos que la llengua tradicional de Llión ye’l romance ástur nel que s’escribieron los Fueros d’Avilés, Uvieu, Zamora y Salamanca, el Fueru Xulgu, la llengua de Fernán Coronas, d’Eva González y de l’Academia de la Llingua Asturiana.

Aceutamos pal nuesu Romance Ástur la denominación qu’en cada ámbitu seya más usual: Bañés, Cabreirés, Maragatu, Cepedanu, Patsuezu, Bable, Llionés, Asturllionés, Asturianu, etc.

2. Contribuyir en facendera por aplicación del Artículu 3 de la Constitución Española no qu’afeuta a la llengua tradicional de Llión.

3. En nengún casu esta Asociación tendrá motivación relixosa, política, sindical, lucrativa o mercantil, y las suas actividaes desenrollaránse según lo dispuesto na llexislación vixente que regule cada materia.

 Artículu 3^u. Actividaes

Pal algame de los sous fines l’Asociación podrá llevar a cabu las siguientes actividaes:

1.  Afalar y entamar xornadas, cursos, conferencias, seminarios y alderiques que contribuyan al conocimientu de la llengua y la cultura de Llión.

2. Convocar becas, certámenes y premios lliterarios pal desenrollu de la cultura, la llengua y la lliteratura llionesa.

3. Collaborar con entidaes y instituciones públicas y privadas no que seya precisu pa promover l’estudiu y espardimientu de la llengua y la cultura de Llión.

4. Federase, asociase o fusionase con outras entidaes cualisquiera que seya l’ambitu territorial de la sua actuación, asina como participar nas mesmas.

5. Constituyir comisiones pal estudiu d’aspeutos monográficos o pal desendolcu permanente de determinadas actividaes.

6. Adquirir enayenar y posiar toa triba de bienes por cualisquier títulu, asina como celebrar tou tipu d’actos y contratos. Igualmente podrá desendolcar actividaes económicas de toa mena, empobinadas a la fechura de los sous fines o achegar recursos con esti envís.

7. La espublización de revistas, boletines, foyetos informativos y outros, en cualisquier clas de soporte, asina como la espublización d’aquellos trabayos y investigaciones que, pol sou especial porgüeyu, ameriten una amplia difusión.

8. Atender a la formación permanente de los sous miembros.

9. Cualisquier outra que, axustándose a la llegalidá, esta Asociación estime oportuna pal algame de los sous fines.

Artículu 27^u. Incompatibilidá.

Sedrá incompatible exercer cargu en representación de partíu políticu con dalgún cargu nos órganos de gobiernu d’esta Asociación.

Artículu 28^u.

1. Podrán ser miembros d’esta Asociación toos aquellos ciudadanos mayores d’edá, ensin perxuiciu de la sua nacionalidá, qu’afleten los sous fines.

2. Los Socios podrán ser: Numberarios, Collaboradores, Amigos, d’Honor y Fundadores.