|
|
Col títulu de "El Asno Zamorano-Leonés. una gran raza autóctona", el sou autor, José Emilio Yanes García amuesa un estudiu que ye fundamentalmente un gran llabor d'investigación de campu y bibliográfica, nel que s'alcuentran tolos datos sobre la raza dende'l sou aniciu como tal. Ye la primera vegada que n'España se fae una obra d'esti volumen sobre una de las suas grandes razas asnales. Ye un llibru de fácil llectura pal públicu en xeneral, pero a la vez será la referencia pa cualquier consulta técnica que se faga sobre la raza. Posee 176 páxinas, con 102 semeyas, mapas, figuras y tablas. La primera parte amuesa una investigación eshaustiva sobre'l sou orixen, antecedentes históricos, sinonimia, área xeográfica y mediu natural, caracteres raciales, cualidaes y aptitudes, asina como un profundu estudiu de la evolución de la raza y la sua situación actual, complementadas con un apartau específicu sobre l'ameyoramientu y fomentu. La
segunda parte ye un gran apéndice conteniendo tolas
referencias relativas a las antiguas ferias de la raza dende va siglos,
evolución del llibru xenealóxicu dende la sua criación a mediaus del
siglo XX, antecedentes biométricos, historia y evolución de las
paradas de los garañones, un regalu de Carlos III, concursos y
exposiciones de la raza, asina como núcleos formaos de la mesma dende
la sua primixenia constitución. La tirada del llibru ye curtia y tien un preciu de 3000 ptas. por exemplar más gastos d'unviu. Los pedios pueden realizase al Colexo Oficial de Veterinarios de Zamora o a la siguiente dirección de correu electrónicu: columba@colvet.es |
|
|
|
