十二星座之細說Main My info Icq-zone Software-zone
Horoscope-zone My Guestbook E-mail to me
十二星座之細說
| 天秤座 | 主管星:金星 | 四象性:風 | 代表日:星期五 | 掌管身體:胃臟,腰 | 珠寶:珊瑚 |
| 金屬:木 | 幸運號碼:3 | 相合星座:1.山羊座,2.獅子座,3.天秤座 | 愛情吉日:6,15,24 |
| 性格:愛好追求和平同和諧o既感覺;多數天秤座o的人都外型優雅,親切善良,對人慷慨,朋友緣又好,溝通力強,鍾意聽人傾訴,不過做事猶豫不決,唔鍾意作決定,愛逃避問題,又怕寂寞;天秤座o既人一定要多飲水,因佢o地個腎好易有病。 |
| 愛情態度:典型o既理想主義者,戀愛以結婚為大前提;佢o地好希望盡早可以搵到自己o既另一半;佢o地好想對方付出o既比自己o既多,所以o向佢o地o既愛情世界係好難有平等,不過佢o地會希望有和諧o既愛情生活。 |
| 天蠍座 | 主管星:火星,冥王星 | 四象性:水 | 代表日:星期二 | 掌管身體:生殖器,鼻 |
| 珠寶:碧玉 | 金屬:鐵 | 幸運號碼:4 | 相合星座:1.天蠍座,2.巨蟹座,3.處女座 | 愛情吉日:9,18,27 |
| 性格:天蠍座o既人擁有神秘o既特質,令人變得殘酷陰險;佢o地精力旺盛,熱情,善妒,佔有慾強,記仇,仲係有仇必報個種;佢o地有一個成功o既優點,就係一旦有o左目標,佢o地一定會不到黃河心不死;愛刺激冒險,不過小心玩火者終自焚。 |
| 愛情態度:天生係個性感情人;感情豐富,花心;佢o地o既妒忌心令佢o地易吃醋,一旦對伴侶有乜不滿,可能會做出暴力o既行為;一旦遇到喜歡o既人,無論對方早已有情人都好,佢o地都會以征服為目的;佢o地最希望有個轟轟烈烈o既愛情故事。 |
| 人馬座 | 主管星:木星 | 四象性:火 | 代表日:星期四 | 掌管身體:肝臟 | 珠寶:紫水晶 |
| 金屬:錫 | 幸運號碼:6 | 相合星座:1.白羊座,2.獅子座,3.雙子座 | 愛情吉日:3,12,21 |
| 性格:天生係一個冒險家,熱愛旅行;樂觀,誠實,熱情,喜歡挑戰,易浮澡不安,魯莽行事,愛賭博,缺乏自制力,意志薄弱,變化多端,有相重性格;佢o地心境永遠年青,喜歡追求學問同緊貼潮流。 |
| 愛情態度:對於愛情,佢o地簡直係高手,唔係因為口甜舌滑,而係佢o地俾你一種兄弟姊妹o既親切感覺,不過愛自由不羈o既性格,亦都俾人一種愛理不理o既態度;佢o地同雙子座一樣咁花心,不過佢o地得把口,口花花,而冇實際行動。 |
| 山羊座 | 主管星:土星 | 四象性:土 | 代表日:星期三 | 掌管身體:毛髮,皮膚,牙,骨 |
| 珠寶:黑玉 | 金屬:銀 | 幸運號碼:6 | 相合星座:1.金牛座,2.處女座,3.水瓶座 | 愛情吉日:8,17,26 |
| 性格:有耐心,固執,勤力,保守;佢o地好鍾意壓抑自己o既情緒,所以別人唔輕易知道佢o地諗緊乜;佢o地好冇安全感,所以就成為「船頭驚鬼,船尾驚賊」;佢o地最重視就係自己o既面子;山羊座o既人唔易肥;淺灰墨綠色就最o岩佢o地。 |
| 愛情態度:佢o地內向同嚴謹o既性格,好少會有一見鍾情,佢o地要一段長時間先可以肯定一份感情,不過亦由於保守同固執o既性格,令佢o地變得專一;佢o地唔容許有人介入佢o地o既愛情關係,怕被傷害;女性o既山羊座係事業型女性。 |
| 水瓶座 | 主管星:天王星 | 四象性:風 | 代表日:星期六 | 掌管身體:小腿,循環系統 |
| 珠寶:黑珍珠 | 金屬:蛋白石 | 幸運號碼:22 | 相合星座:1.天蠍座,2.天秤座, 3.白羊座 | 愛情吉日:4,13,22 |
| 性格:愛革新,希望有獨一無二o既生活方式;固執,自戀,矛盾,但唔感情用事,;佢o地愛交朋結友,但往往得三分鐘熱度,要同佢o地成知己,需要頗長時間,不過當佢o地同人初次見面時,心中早以為你訂下一個分數。 |
| 愛情態度:佢o地好浪漫,會時常給情人一個驚喜;水瓶座o既人獨立o既性格,會令到佢o地遲婚,甚至終生不嫁娶;佢o地需要自己o既空間同時間,仲有佢o地貪新鮮o既性格,令佢o地唔專一。 |
| 雙魚座 | 主管星:海王星 | 四象性:水 | 代表日:星期四 | 掌管身體:腳,淋巴腺 | 珠寶:象牙石 |
| 金屬:銅 | 幸運號碼:11 | 相合星座:1.巨蟹座,2.天蠍座,3.金牛座 | 愛情吉日:7,16,25 |
| 性格:雙魚座係集十二星座o既優點同缺點於一身;佢o地好情緒化,記「愁」,神經質,健忘,多愁善感,想像力豐富,自欺欺人,不過佢o地好善良,愛幫人;有時佢o地婆婆媽媽,任何事只會一拖再拖;眼淚係對付雙魚座o既人o既最佳武器。 |
| 愛情態度:對雙魚座o既情人,只要幾句甜言蜜語,佢o地就會死係你手上;對佢o地o既情人,你就係佢o地o既一切,就算對方明明拒絕o左佢o地o既愛,佢o地都會採取我一世等你o既方式,盼對方回心轉意;佢o地愛幻想自己墜入愛河,其實好可悲。 |
本 page o既 logo