| Die helfte van die kommando het hulle gereed gemaak om
na die Laeveld te vertrek. Hulle was ongeveer 600 sterk. Op pad het al
die burgers hulle bewapen. Daar was meer as genoeg wapens en ammunisie
op Malipspoort begrawe. Hulle het die gewere uit gegrawe en seker gemaak
dat al die ongewapende burgers wat saam met Generaal Beyers van die kamp
af terug gekom het, bewapen word.
Die meeste burgers was te voet. Daar was nie genoeg voer vir perde gewees nie, aangesien die vyand al die gras afgebrand het. Op pad na die Laeveld, naby Houtbosdorp, het die kommando in ‘n Britse nederlaag vasgeloop. Die vyand het 8 spioene gevang en een burger gewond. Die gewonde man het kort daarna gesterf. In die Laeveld het die kommando die waens vol mielies gelaai, voordat hulle na Malipspoort terug gekeer het. Die vyand het hulle weer voorgelê, maar het op vlug geslaan toe die kommando naby kom. Die Boere het ‘n pad oor die Malipspoort berge gebou en die pad Beyersnek gedoop. Die waens met die mielies is met die nuwe pad langs terug geneem na die laer waar die ander helfte van die kommando gewag het. Terug by die laer, het hulle die mielies gemaal en meel gemaak. Daarna het almal mieliepap en vleis geëet. Mieliepap en vleis was die mees gesonde kos om op te leef. Al die mense was baie gesond gewees sodat niemand het siek geword nie en almal het spekvet gelyk. Niemand sou dit ooit kon glo as hulle voor die tyd vertel was dat hulle so ‘n goeie lewe sou ly nie. Voor die oorlog het die Afrikaner alles gehad. Hulle was ongeduldig en het baie gekla. Die regering het goed vir hulle gesorg. Hulle bekers het oorgeloop en niks het hulle ontbreek nie. Daar was ‘n oorvloed van kos en die beste klere. |