Die JJ Potgieter Manuskrip

Jacobus verdedig sy huis

Jacobus het die volgende oggend rond gegaan om nog burgers te soek, Hy het twee gevind. Hy het ook die families gevind wat geplunder was en van hul huise af weggejaag was. Die mense het aan hom vertel hoe die swartes hulle behandel het. Hulle kon nie eers ‘n enkele kombers vir die kinders gehou het nie. Ja, die swartes het nie eers iets om te eet agter gelos nie.

Dit het Jacobus herinner aan die ou tye van barbaarsheid. Toe besef hy die nietigheid van die mensdom.

Hy moes toe planne maak. Wel, daar was net drie burgers gewees, L Alberts, JM Dames en JJ Potgieter homself, om te help planne maak en hul families te beskerm. Hulle eerste besluit was dat elke man naby sy eie huis sou bly en enigeen wat naby kom te skiet. Hulle sou veg tot die dood toe om hulle gesinne van die swartes te red.

So het hulle ook gemaak. Die swartes het gekom en die burgers het hulle geskiet. Die swartes het om die huise gedraai soos aasvoëls en gewag om op die dooie te aas. In hul verlatenheid het die burgers ook nie versuim om hulp van God te vra nie.

Hulle het ‘n Britse kavallerie sien verby gaan. Die drie burgers beraadslaag toe weer en neem hulle toe ‘n verdere besluit. Hulle besluit om vir die vyand te wag. As die vyand te sterk vir die drie burgers was, sou elke man naby sy eie huis wag totdat die vyand na sy huis toe kom. Die vroue moet dan vir beskerming vra.

Die aanvalle op hulle huise het dag en nag aangehou. Op die derde dag kon hulle dit nie meer langer uithou nie. Daar was maar net drie van hulle gewees en hulle moes heel dag en nag wagstaan. Hulle kon nie meer ‘n oplossing sien nie. In die aande kon hulle nie slaap nie. Hulle moes wagstaan om teen die vyand en die swartes te waak. Gedurende die dag was dit dieselfde storie. Dan het hulle op ‘n heuwel wag gestaan vanwaar hulle ‘n beter uitsig gehad het om die vyand weg te hou.


(c) Eric Swardt (1998)
Terug na die inhoudsopgawe
  1