Reiri al Lingvo Arbo Reiri al L i n g v o F e s t' Iri al Fundo.

A

A

• Kie starigi LingvoFeston?

• Kiom da lingvoj instrui?

• Kiajn lingvojn instrui?

• Kiom da tempo dauxras leciono?

• Kiaj estas la instruantoj?

• Kiaj lokoj tauxgas por LingvoFesto?

• Kian grandecon havas la lernocxambroj?

• Kiom da tempo dauxras la tuta Festivalo?

Mi povas imagi multajn situaciojn en kiuj vi povas starigi LingvoFeston. Jen kelkaj:

• Unue, Tuj post la Universala Kongreso de Esperanto por montri al la publiko de la kongresurbo kaj kongreslando, ke Esperanto ne estas kontraux iu ajn nacilingvo. La starigo de tia LingvoFesto estus unu el la plej bonaj reklamoj kaj propogandiloj en la lastaj jaroj.

• Post aux dum cxiaspecaj internaciaj arangxoj. Ekzemple oni povas organizi LingvoFeston por skoltoj dum sia internacia jarkunveno. Same oni povas fari similon por multspecaj internaciaj kongresoj.

• Somere, cxe la plagxo por, ke la feriantoj povu ekkoni aliajn somerulojn el malsamaj landoj.

• Post- aux dumfestivale kiel kromaktivajxo en alispeca kulturarangxo. Ekzemple, dum aux post internacia dancfestivalo, la dancistoj el la diversaj landoj povos montri siajn lingvojn al la publiko pere de LingvoFesteto. Same por filmfestivaloj, teatrofestivaloj, pupteatrofestivalo, kaj cxiaspecaj festivaloj.

• Cxe la komenco de lernojaro por montri la lingvojn instruatajn en universitato. Ekzemple cxe mia universitato de Illinois en Usono, mi proponis LingvoFeston por montri la lingvojn instruatajn tie (inter ili, la cxinan, japanan, hebrean, latinan, grekan, hindan, sanskritan, persan, hausan, lingalan, svahilan, volofan, kaj multajn aliajn).

• Dum lernojaro la internacia gelernantoj aux gestudentoj de iu ajn lernejo aux universitato povas starigi LingvoFeston por montri al la nacilandanoj kaj samlernejanoj siajn lingvojn kaj kulturojn.

• Semajnfine en vilagxo por spicigi la vivon de la lokanoj. Ekzemple baldaux en Francio, la Asocio LinguaFestą 37 faros minifestivalo por iu urbeto en la regiono.

• En internacia esperanta domo por montri al neesperantaj nacilingvanoj kiuj logxas proksime, ke Esperanto ne estas grupo de personoj kiuj malakceptas la aliajn lingvojn.

• En elementa lernejo por montri al la tre junaj gelernantoj ke lingvolernado povas esti amuza.

• En loka esperanta klubo (aux apude en lernejo se ne estas sufixe da spaco) por montri la intereson de Esperantistoj al aliaj lingvoj, kaj por trovi novajn gelernantojn de Esperanto. Reiri supren

  A
  Kiom da lingvoj instrui?

  Por uzi la nomon LingvoFeston, vi devas havi minimume 10 lingvojn. Se estas malpli ol 10 lingvoj, la publiko havas malpli da elektebleco. Ju pli da lingvoj, des pli bone! Reiri supren

  A

  Kiajn lingvojn instrui?

  Tio dependas de via loko, sed sciu ke cxia kaj cxiu lingvo rajtas partopreni en la Festivalo. Ne gravas cxu la lingvo estas ofte aux neofte instruata, cxu multaj aux malmultaj da personoj parolas gxin, cxu gxi estas viva aux morta, konata aux nekonata, artefarita aux natura. Unu celo de LingvoFesto estas montri lingvan diversecon, do vi povas akcepti cxiajn lingvojn kiujn vi trovas. Reiri supren

  A

  Kiom da tempo dauxras leciono?

  Leciono devas dauxri mallongan tempon. En niaj unuaj festivaloj ni neniam instruis lecionon pli ol 40 minutojn. Tiu mallonga dauxro estas la fundamento sur kiu la tuta festivalo bazigxas. Se la leciono dauxrus tro da tempo, multaj problemetoj ekestus. Ekzemple, kelkaj gelernantoj komencus antauxfine eliri kaj tio malhelpus la evoluon de la koncerna leciono. Aliaj gelernontoj kiuj atendus ekstere por la venonta leciono lacigxus kaj aux finfine enirus la klascxambron interrompante la lecionon aux reirus hejmoj pro la tro longa atendotempo. Reiri supren

  A

  Kiaj estas la instruantoj?

  Antaux cxio sciu ke la plejparto de niaj kursoj estas gvidataj de neprofesiaj instruantoj. Preskaux cxiuj el ili neniam instruis sian propran lingvon. Tio komprenigxas per la fakto ke multegaj lingvoj de LingvoFesto estas aux neniam instruataj aux malofte instruataj surloke. Do por sukcesigi vian LingvoFeston vi ne bezonas personojn kiuj profesie instruas lingvon.

  Tion dirinte, mi pensas, ke por la ofte instruataj lingvoj, kiaj la angla, germana, hispana, franca kaj aliaj, se vi povos trovi profesiajn instruistojn des pli bone, sed la profesiulo devas repensi pri kiamaniere instrui cxar estas granda diferenco inter minileciono de LingvoFesto kaj tutjara kurso en lernejo!

  Por la neistruataj lingvoj, mi ne povas priskribi idealan kursgvidanton, sed mi povas listigi kelkajn trajtojn kiuj sxajnas rilati al la sukceso de la minileciono. Unue, la persono kiu instruas sxatas sian lingvon kaj deziras ekkonigi gxin al aliaj personoj. Due, kursgvidanto eble kapablas aktori iomete. Trie, li aux sxi estas fleksebla kaj sxatas uzi diversajn metodojn.

  Cxiuj, kaj spertuloj kaj nespertuloj, laux mi, bezonas informon pri kiamaniere sukcesigi mallongan lecionon cxefe pro tio, ke LingvoFesta kurso ne similas tradician enlernejan lecionon. En alia parto mi priskribos la lecionojn mem, por ke vi povu sukcesigi la instruadon.Reiri supren

  A

  Kiaj lokoj tauxgas por LingvoFesto?

  La cxefa trajto de la loko estas ke gxi enhavas aron da klascxambroj aux kunvencxambroj. Depende de la Festivalo, 5,10, aux 15 klascxambroj suficxas. Do vi povas uzi lernejon, universitaton, grandan kulturcentron, kaj ecx kongresejon. Estus ankaux bone se disponeblus granda salono kie vi povas meti standojn, ekspozicion, aux muzikistojn. Tiu aldona parto helpas spicigi kaj variigi la Festivalon. Rememoru, tamen, ke LingvoFesto estas kaj restos lingva kaj lingvajxa. Standoj, ekspozicioj, dancado, muziko, kaj similaj ne estas la kerno de la Festivalo; ili estas kromaktivajxoj kiuj ekzistas nur por helpeti enkadrigi, spicigi, kaj vigligi la lingvan parton. Reiri supren

  A

  Kian grandecon havas la lernocxambroj?

  Ili povas esti grandaj aux malgrandaj. En la LingvoFesto de la urbo Tours en Francio, la plej malgranda el la 14 cxambroj de la 1 Festivalo 1996 havis 10 sidlokojn dum la plej granda proksimume 100. En la malgrandaj cxambroj ni metis aux nekonatajn lingvojn aux instruantojn kiuj preferis instrui nur malgrandan grupon.

  Kutime la klascxambroj en lernejo estas pli homogenaj ol tiuj de la 1996a Festivalo. Ekzemple ili ciuxj povas enteni 30 aux 40 gelernantojn. Se vi havas tian lokon, via planado por la Festivalo estos pli simpla, cxar vi povas meti iun ajn kurseton en iun ajn klascxambron. Aliflanke, se viaj cxambroj havas malsaman grandecon, vi devas pripensi kiun lingvon meti en kiun lokon. Reiri supren

  A

  Kiom da tempo dauxras la tuta Festivalo?

  Tio dependas de viaj lokaj cirkonstancoj. En 1995 LingvoFesto okazis inter la 10a kaj 20a sabate, do 10 horojn. En 1996 gxi okazis sabate kaj dimancxe, dauxrante 18 horojn. En 1997 gxi dauxros 22 horojn. Se ni havus pli da instruantoj kaj iom da subteno de la urbodomo (gxis nun, neniom), la Festivalo povus dauxri tutan semajnon, kaj ecx pli longe cxar estas multe da intereso en la publiko.

  Do, granda festivalo povas dauxri longan tempon, sed minifestivalon, ekzemple Festivalo por urbeto aux kvartalo povas esti afero de nur kelkaj horoj. En unu Festivalo, ke LinguaFestą 37 faros en kvartalo de la urbo Tours en Francio, la dauxro estos nur 6 horojn, inter la 14a kaj kaj 20a sabate. Reiri supren

  A